ءنومىر تاقپايتىن جۇرگىزۋشىلەرگە قارسى رەيد جۇرۋدە

 الماتى. قازاقپارات - الماتى پوليتسياسى مەملەكەتتىك ءنومىرسىز جۇرەتىن جۇرگىزۋشىلەرگە قارسى رەيد وتكىزۋدە، دەپ حابارلايدى قازاقپارات ءتىلشىسى.

 اتاپ ايتقاندا، كولىكتى ءنومىرسىز باسقارعان - 11 جۇرگىزۋشى، ءنومىرى انىق كورىنبەيتىن - 10 جانە جالعان نومىرلەرمەن جۇرگەن 8 جۇرگىزۋشى انىقتالدى. ولاردىڭ بارلىعى اكىمشىلىك جاۋاپكەرشىلىككە تارتىلدى.

«مۇنىڭ الدىندا حابارلاعانىمىزداي، ءنومىرسىز ءجۇرۋ جۇرگىزۋشىلەردىڭ جولداعى ءتارتىبىنىڭ ناشارلىعىن كورسەتەدى. كوبىنەسە ولار ارنايى باقىلاۋ كامەرالارىنا تۇسسەم، ايىپپۇلعا ىلىنبەي قالام دەگەن ويمەن نومەرسىز جۇرەدى. شىندىعىنا كەلگەندە، بۇلاي ويلايتىندار ءۇشىن اكىمشىلىك جازا بار» ، - دەدى ءى ءى د وكىلى جاندوس مۇراتاليەۆ.

 سونىمەن قاتار، پوليتسيا قىزمەتكەرلەرى وتكەن دەمالىستا تەرەزەسىن كولەگەيلەپ العان 15 جۇرگىزۋشىنى انىقتاعان.

«زاڭ بۇزۋشىلارعا قاتىستى ق ر اكىمشىلىك كودەكسىنىڭ 590-بابى 5-بولىگىمەن اكىمشىلىك حاتتامالار تولتىرىلدى» ، - دەدى جاندوس مۇراتاليەۆ.