بەدەلدى عالىم باقىتتى وتباسى قۇرۋدىڭ سىرلارىمەن ءبولىستى

  استانا. قازاقپارات - بۇگىن استاناداعى ورتالىقتاندىرىلعان بالالار- جاسوسپىرىمدەر كىتاپحاناسىندا «وتباسىلىق قۇندىلىق - تاربيەنىڭ قاينار كوزى» اتتى وتباسىلىق ترەنينگ ءوتتى.

ءىس- شارانى استانا قالاسى اكىمدىگى تىلدەردى دامىتۋ جانە ارحيۆ ءىسى باسقارماسى ۇيىمداستىردى. وتباسىلىق ترەنينگتى بەدەلدى عالىم، اباي تانۋشى، ف. ع. ك. , ومار جالەل ۇلى جۇرگىزدى. ترەنينگ بارىسىندا عالىم وتباسى قۇرۋ، ادال جار ىزدەۋ، بالا تاربيلەۋ سىندى قوعامداعى كوكەيكەستى سۇراقتارعا جاۋاپ بەردى.

«قوعامدا وتباسى ماسەلەسى وتە وزەكتى، سوندىقتان بەلگىلى عالىمدارمەن جانە پسيحولوگتارمەن جۇمىس جۇرگىزۋدەمىز» ، - دەدى استانا قالاسى تىلدەردى دامىتۋ جانە ارحيۆ ءىسى باسقارماسى باسشىسىنىڭ ورىنباسارى ساكەن ەسىركەپ.

ال ومار جالەل ۇلى بۇگىندە ەرلى- زايىپتىلاردىڭ اراسىندا اجىراسۋ كورسەتكىشى ارتقانىن، ونىڭ قوعامعا كەرى اسەرىن تيگىزەتىنىن اتاپ ءوتتى.

«بۇگىندە 100 نەكەنىڭ 75 ءى اجاراسىپ جاتىر دەگەن دەرەكتەر بار. ەلىمىزدىڭ مىقتى بولۋى وتباسىنا بايلانىستى ەكەنىن قازاق قوعامى تەرەڭ تۇسىنەدى. سوندىقتان وسى تاقىرىپقا سەمينار ۇيىمداستىرىپ وتىرمىز. وتباسىلارعا بەرەتىن اقىل- كەڭەسىمىز ءداستۇرلى قازاق وتباسىنىڭ كانوندارىنا سۇيەنەدى. بابالارىمىزدىڭ وتباسىلىق قاعيداتتارىن وسى زامانعا ساي تۇسىندىرۋگە تىرىسامىز» ، - دەدى عالىم.

Baq.kz