اتىراۋعا العاش رەت ەلباسىنىڭ كوشپەلى كورمەسى كەلدى

None
None
اتىراۋ. قازاقپارات - كورمەدە اتىراۋلىقتار 2 اي بويى ءتۇرلى جادىگەرلەرمەن تانىسا الادى، دەپ حابارلايدى قازاقپارات ءتىلشىسى.

بۇگىن وبلىستىق ءشومىشباي ساريەۆ اتىنداعى كوركەمسۋرەت جانە قولدانبالى- ساندىك ونەر مۋزەيىندە «ن. نازاربايەۆ: ءداۋىر، تۇلعا، قوعام» كوشپەلى قور كورمەسىنىڭ سالتاناتتى اشىلۋ ءراسىمى ءوتتى.

 كورمەنىڭ اشىلۋ سالتاناتىنا ق ر پرەزيدەنتى كەڭسەسىنىڭ باسشىسى، ق ر تۇڭعىش پرەزيدەنتى ەلباسى كىتاپحاناسى ديرەكتورىنىڭ مىندەتىن اتقارۋشى ماحمۇد قاسىمبەكوۆ، اتىراۋ وبلىسىنىڭ اكىمى نۇرلان نوعايەۆ، ءوڭىردىڭ زيالى قاۋىم وكىلدەرى مەن ستۋدەنت جاستار قاتىستى.

جيىندا ءسوز العان ماحمۇد قاسىمبەكوۆ اتىراۋ جەرىنە ەلباسىنىڭ ارنايى تاپسىرماسىمەن كەلگەنىن اتاپ ءوتتى.

«قاسيەتتى اتىراۋ جەرىنە ۇلكەن تاريحي ماڭىزى بار قۇندى جادىگەرلەردى الىپ كەلدىك. ءبىز بۇگىن تۇڭعىش پرەزيدەنتىمىز ن. نازاربايەۆتىڭ كوشپەلى مۋزەيىن تانىستىرعالى وتىرمىز. كورمەدە 1000 نان اسا قۇندى جادىگەرلەر مەن قولجازبالار، 50 دەن اسا مەملەكەت تابىستاعان ماراپاتتار بار. سونىمەن قاتار، ەلباسىنىڭ تىكەلەي نۇسقاۋلىعىمەن مۇنايلى ولكەگە 130 ادامنان قۇرالعان پرەزيدەنت وركەسترىمەن بىرگە كەلىپ وتىرمىز. بۇل - ەلباسىنىڭ اتىراۋ جۇرتشىلىعىنا ارنايى سىيى» ، - دەدى ق ر پرەزيدەنتى كەڭسەسىنىڭ باسشىسى.

كورمەنىڭ نەگىزگى ماقساتى - كىتاپحانا جيناقتارى نەگىزىندە قازاقستان رەسپۋبليكاسىنىڭ تۇڭعىش پرەزيدەنتى ەلباسىنىڭ تاۋەلسىز قازاقستاننىڭ تاريحي ومىرىندەگى ءرولىن جۇيەلى تۇردە كەڭىنەن كورسەتۋ.

كورمە ءتورت بولىمنەن تۇرادى:

1. ەلباسى جولى.

2. ەلباسى فەنومەنى.

3. الەم تانىعان ەلباسى.

4. ەلباسى مارتەبەسى ەل مارتەبەسى.

 سالتاناتتى شارادا وبلىس اكىمى نۇرلان نوعايەۆ ءسوز الىپ، اتىراۋلىقتاردى كورمەنى تاماشالاۋعا شاقىردى.

АтырауÒ

«تاۋەلسىز قازاقستان مەن نۇرسۇلتان نازاربايەۆ - ەگىز ۇعىم. ەلىمىز تاۋەلسىزدىككە قول جەتكىزبەي تۇرىپ ەلباسىمىز جەكە جاۋاپكەرشىلىك الىپ، بارلىق قازاقستاندىقتار قولداۋىمەن الەمدىك قاۋىمداستىقتا ءوز ورنى بار مەملەكەتىمىزدى قۇرعان بولاتىن. وسى كەزەڭدەردە پرەزيدەنتىمىز ءوز كورەگەندىلىگىمەن تالاي سىندارلى ساعاتتاردان ءوتتى. بۇگىنگى بەيبىتشىلىگىمىز - سول ەڭبەكتىڭ جەمىسى. كورمە بارىسىندا ەلباسى تۋرالى بۇرىن- سوڭدى بەيمالىم بولعان اقپاراتتاردى الىپ، الەمدىك ساياساتتاعى تۇلعالاردىڭ ەلىمىز، كوشباسشىمىز تۋرالى وي- پىكىرلەرىمەن تانىسا الاسىزدار. بۇگىنگى شارا - تاريحي شارا. سول تاريحتىڭ كۋاسى بولۋعا بارلىعىڭىزدى شاقىرامىن» ، - دەدى وبلىس باسشىسى.

 ايتا كەتەلىك، كوشپەلى كورمە جوباسى 2017 -جىلدىڭ قاراشاسىندا الماتىدان باستاۋ الىپ، 2018 -جىلدىڭ اقپان ايىندا شىمكەنتتە ءوز جۇمىسىن جالعاستىردى. ەكى قالادا دا جوعارى دەڭگەيدە وتكەن كورمەنى 250 مىڭنان استام ادام تاماشالادى.

АтырауÒ

اتىراۋ قالاسىندا «ن. نازاربايەۆ: ءداۋىر، تۇلعا، قوعام» كورمەسى 2 اي بولادى. ش. ساريەۆ مۇراجايىندا كورمەنى تەگىن تاماشالاۋعا مۇمكىندىك بار.

سوڭعى جاڭالىقتار