عالىمدار: جەر تۇرعىندارىن جاقىن ورنالاسقان ەكزوعالامشارعا كوشىرۋگە بولادى
بۇل تۋرالى Science Alert باسىلىمىنا سىلتەمە جاساپ Stan.kz حابارلايدى.
عالىمدار اتالعان عالامشاردىڭ جەردىڭ ەگىزى ەكەنىن ايتتى.
دەسە دە جەرگىلىكتى جۇلدىزدىڭ بەلسەندىلىگى زور بولعاندىقتان، Proxima B بەتىندەگى تەمپەراتۋرا وتە جوعارى بولۋى مۇمكىن. الايدا عالامشارداعى سۇيىق سۋ كولەمى جەتكىلىكتى بولۋى دا ىقتيمال. جۇرگىزىلگەن تالداۋ ناتيجەسى ونداعى توپىراقتا قاراپايىم تىرشىلىك يەلەرى دامي الاتىن سۇيىقتىق مولشەرى بار بولۋى مۇمكىن ەكەنىن كورسەتتى.
گوددارد اتىنداعى عارىشتى زەرتتەۋ ينستيتۋتىنىڭ عالىمدارىنىڭ پىكىرىنشە، عالامشار «ءۇي» جۇلدىزىنىڭ بەلسەندىلىگىنە بەيىمدەلگەن بولۋى عاجاپ ەمەس. سونىمەن قاتار پايدالى ەلەمەنتتەردىڭ كوبى بەتكى قاباتىنىڭ استىندا ساقتالىپ جاتۋى مۇمكىن.
قازىرگى ۋاقىتتا عالىمدار عالامشارداعى مۇحيتتاردىڭ كولەمىن انىقتاۋعا تىرىسىپ جاتىر. استروبيولوگتار مەن استروفيزيكتەردىڭ پىكىرىنشە، جەردەگى جاعدايعا ۇقسايتىن ورتا ازداپ بەيىمدەلۋدى تالاپ ەتۋى ىقتيمال. الايدا تىرشىلىك سيپاتىندا ايتارلىقتاي وزگەرىستەر بولمايدى.