تۇركىستاندا كۇلتەگىن، التى الاش، ەلىم- اي اتتى كوشەلەر پايدا بولادى

None
None
 تۇركىستان. قازاقپارات - تۇركىستان وبلىسىندا قوعامدىق كەڭەستىڭ كەزەكتى وتىرىسى ءوتىپ، كۇن تارتىبىندە جەتى ماسەلە تالقىلاندى. جيىندا وبلىس اكىمى جانسەيىت تۇيمەبايەۆ بايانداما جاساپ، تۇركىستان قالاسىنىڭ دامۋى تۋرالى ءسوز قوزعادى، دەپ حابارلايدى قازاقپارات ءتىلشىسى.

ايماق باسشىسى تۇركىستان قالاسىنا كوشىپ كەلگەن ءبىر ايدا قارقىندى جۇمىس جۇرگىزىلىپ جاتقانىن اتاپ ءوتتى. تۋريستىك الەۋەتى جوعارى شاھاردىڭ دامۋىنا ەلباسىنىڭ تىكەلەي نازار اۋدارىپ، كوڭىل ءبولىپ وتىرعانىن جەتكىزدى. ماسەلەن، قالاعا وتكەن جىلى 1 ميلليون 190 مىڭنان استام تۋريست پەن زياراتشى كەلگەن بولسا، الداعى ۋاقىتتا ولاردىڭ سانىن كوبەيتۋ كوزدەلىپ وتىر. الايدا، ول ءۇشىن قالاعا جاڭا اۋەجاي، تەمىر جول ۆوكزالى مەن اۆتوۆوكزال سەرۆيستىك قىزمەت كورسەتەتىن الەۋمەتتىك- مادەني نىساندار سالۋ قاجەت.

«تاشكەنت- تۇركىستان- تاشكەنت باعىتىندا قاتىنايتىن جۇردەك پويىز، تاشكەنت- تۇركىستان- تاشكەنت باعىتىندا اۆتوبۋس مارشرۋتىن اشۋ بويىنشا الدىن الا وزبەكستان تاراپىمەن كەلىسىلىپ، ق ر ينۆەستيتسيا جانە دامۋ مينيسترلىگىنە جولداندى. قاجەتتى جوبالاردىڭ بارلىعى كەشەندى جوسپار جوباسىنا ەنگىزىلىپ، ق ر ۇلتتىق ەكونوميكا مينيسترلىگىنە ۇسىنىلدى. تۇركىستان قالاسىندا سالىناتىن جاڭا نىساندار ءۇشىن قازاندىق پەن 3 پودستانتسيا قۇرىلىسىن جۇرگىزۋدى جوسپارلاپ وتىرمىز. سۋ، گاز ماسەلەلەرى جەدەل قولعا الىنادى. تۇرعىن ءۇي ماسەلەسىن شۇعىل شەشۋ ءۇشىن جەرگىلىكتى بيۋدجەت ەسەبىنەن تۇركىستان جانە كەنتاۋ قالالارىندا 1956 پاتەرلى 33 تۇرعىن ءۇيدىڭ قۇرىلىسى باستالىپ كەتتى. مەن وبلىس كاسىپكەرلەرىن تۇركىستان قالاسىنا ينۆەستيتسيا سالىپ، ءوز جۇمىستارىن جۇرگىزۋگە تاعى دا شاقىرامىن. اكىمدىك تاراپىنان قولداۋ بولادى. باس جوسپار قابىلدانعاننان كەيىن تۇركىستاندا قۇرىلىس قارقىن الادى» ، - دەدى جانسەيىت تۇيمەبايەۆ.

 جيىندا بۇدان وزگە بىرنەشە وزەكتى ماسەلەلەر تالقىلاندى. ولاردىڭ قاتارىندا اتى جوق 330 كوشەگە اتاۋ بەرۋ جايى ءسوز بولدى. سالا ماماندارى كەڭەس مۇشەلەرىنە وسى كوشەلەرگە كۇلتەگىن، قازتۋعان جىراۋ، حانقورعان، التى الاش، ماڭگىلىك ەل، ەلىم- اي، بولات حان، كۇلتوبە سياقتى اتاۋلار بەرىلەتىنىن جەتكىزدى.

سوڭعى جاڭالىقتار