باۋىرجان قاراعىز ۇلى مادەنيەت ءمينيسترىنىڭ كەڭەسشىسى بولىپ تاعايىندالدى

استانا. قازاقپارات - باۋىرجان قاراعىز ۇلى قازاقستان رەسپۋبليكاسى مادەنيەت جانە سپورت ءمينيسترىنىڭ كەڭەسشىسى لاۋازىمىنا تاعايىندالدى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

باۋىرجان قاراعىز ۇلى 1982 -جىلى 17 -قازاندا دۇنيەگە كەلگەن. قازاقتىڭ تالانتتى اقىنى، كوپتەگەن حالىقارالىق، رەسپۋبليكالىق، ادەبي كونكۋرستاردىڭ جەڭىمپازى.

قازاقستان رەسپۋبليكاسى پرەزيدەنتى نۇرسۇلتان ءابىش ۇلى نازاربايەۆتىڭ جانە يۋنەسكو- نىڭ قولداۋىمەن وتكەن حالىقارالىق «شابىت» شىعارماشىل جاستار فەستيۆالىنىڭ ەكى مارتە لاۋرەاتى جانە گران- پري جۇلدەسىنىڭ يەگەرى.

«الەمگە ايگىلى - استانا» اتتى جىر ءمۇشايراسىنىڭ گران- پري جۇلدەسىنىڭ يەگەرى. سەيدوللا بايتەرەكوۆ اتىنداعى ارنايى سىيلىقتىڭ يەگەرى.

ق ر تاۋەلسىزدىگىنىڭ 20 جىلدىعى قارساڭىندا وتكەن «قازاق ەلى، ءبىر اۋىز ءسوزىم ساعان» اتتى رەسپۋبليكالىق ماعجان ونەر فەستيۆالىنىڭ لاۋرەاتى.

«تابىستى قازاقستاندىق - 2012» اقمولا وبلىستىق جاستار بايقاۋىندا «جاس دارىن» سىيلىعىنىڭ يەگەرى. اقىن ءيمانجۇسىپ قۇتپان ۇلىنىڭ 150 جىل تولۋىنا وراي وتكەن ادەبي بايقاۋدىڭ جەڭىمپازى.

 2014 -جىلعى قازاقستان رەسپۋبليكاسى مەملەكەتتىك ستەپەنديانىڭ يەگەرى.

«جۇمباقتاسقا جاۋعان كۇز» ، «ءوڭ. مەن. ءتۇس. » ، «جۇرەك كىتابى» ، «توپىراق دەمى» اتتى جىر- كىتاپتارىنىڭ اۆتورى.

 رەسپۋبليكالىق «الاش ءۇنى» گازەتىندە ءتىلشى، ەلوردالىق «استانا» جۋرنالىندا تىلشىلەر قوسىنىنىڭ جەتەكشىسى، جاۋاپتى حاتشى، باس رەداكتوردىڭ ورىنباسارى؛ قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا «كىتاپ پاتشالىعى» جۋرنالى باس رەداكتورىنىڭ ورىنباسارى؛ كوكشەتاۋ قالاسىنداعى «اقپاراتتىق كىتاپحانا جۇيەسى» مەملەكەتتىك مەكەمەسىندە ديرەكتور؛ «قازكونتەنت» ا ق «ادەبيەت پورتالىنىڭ» جەتەكشىسى؛ «مادەنيەت پورتالىنىڭ» باس ديرەكتورى؛ قازاقستان جازۋشىلار وداعى استانا قالاسى فيليالىنىڭ ديرەكتورى، ق ر مادەنيەت جانە سپورت مينيسترلىگى جانىنان قۇرىلعان جاس اقىن- جازۋشىلار كەڭەسىنىڭ حاتشىسى قىزىمەتتەرىن اتقارعان.

ۇيلەنگەن. ءۇش بالا تاربيەلەپ وتىرعان اكە.