ءومىردى ۇزارتۋعا كومەكتەسەتىن ءدارى اسا قاۋىپتى بولىپ شىقتى

  استانا. قازاقپارات - اۆستراليا مەن ا ق ش عالىمدارى اسپيرينگە قاتىستى بۇعان دەيىنگى زەرتتەۋلەردىڭ ناتيجەلەرىن جوققا شىعاردى.

 بۇعان دەيىن اتسەتيلساليتسيل قىشقىلىن (اسپيرين) قولدانۋ ەگدە جاستاعى ادامداردىڭ جۇرەك- قان تامىرلارى اۋرۋلارىنان ءولۋ قاۋپىن ازايتىنى جانە ءومىردى ۇزارتۋعا كومەكتەسەتىنى دالەلدەنگەن بولاتىن. الايدا، بۇگىندە عالىمدار ءاسپيريننىڭ كەرىسىنشە ادام ومىرىنە قاۋىپتى ەكەنىن دالەلدەدى، دەپ جازادى Stan.kz اقپاراتتىق اگەنتتىگى.

اسپيرين - ەگدە جاستاعى ادامداردا كورونارلىق جەتكىلىكسىزدىكتەن بولاتىن جۇرەك- قان تامىرلارى اۋرۋلارىنىڭ قايتالانۋىن تومەندەتۋ ءۇشىن پايدالانىلاتىن ەڭ تانىمال ءدارى- دارمەكتەردىڭ ءبىرى.

اتسەتيلساليتسيل قىشقىلىنىڭ جۇرەك، مي جانە باسقا دا ورگانداردىڭ جۇمىسىنىنىڭ بۇزىلۋى مەن قان تامىرلارىنىڭ بىتەلۋ ءقاۋپىن ازايتاتىن ترومبوتسيتتەردىڭ اگرەگاتسياسىن تومەندەتەتىنى بەلگىلى.

سونىمەن قاتار، بۇل ءدارى مي مەن اسقازان- ىشەك جولدارىندا قان كەتۋدى تۋدىرادى. سوندىقتان، ول جۇرەك- قان تامىرلارى اۋرۋلارىنان زارداپ شەگەتىن ادامدارعا پايدالانۋعا جارامسىز بولۋى مۇمكىن.

عالىمداردىڭ اسپيريننىڭ زياندىلىعىن دالەلدەيتىن زەرتتەۋگە ورتاشا جاسى 74 جاستى قۇرايتىن 19 مىڭ ادام قاتىستى. زەرتتەۋگە قاتىسۋشىلاردا دەمەنتسيا نەمەسە مۇگەدەكتىك بولمادى. سونداي- اق، ولار اتسەتيلساليتسيل قىشقىلى تاعايىندالاتىن اۋرۋمەن اۋىرمادى.

قاتىسۋشىلار كەزدەيسوق تۇردە ەكى توپقا ءبولىندى. ءبىرىنشى (ەكسپەريمەنتالدى) توپتاعىلار كۇنىنە 100 ميلليگرام اسپيرين، ال ەكىنشى (باقىلاۋ) توبىنداعىلار پلاتسەبو قابىلدادى. قاتىسۋشىلاردىڭ دەنساۋلىعىن باقىلاۋ ورتا ەسەپپەن 4,7  جىلعا جالعاستى.

عالىمدار ەكسپەريمەنتالدى توپتاعى 1000 ادامنىڭ ءبىر جىلدىڭ ىشىندە دەمەنتسيا مەن مۇگەدەكتىككە شالدىققانىن جانە 21,5 ءولىمنىڭ بولعانىن انىقتادى. ال، باقىلاۋ توبىندا بۇل كورسەتكىش 21,2 قۇرادى. ءبىراق، جۇرەك- قان تامىرلارى اۋرۋلارى، ونىڭ ىشىندە جۇرەكتىڭ يشەميالىق اۋرۋى، جۇرەك تالماعى جانە ءينسۋلتتىڭ تارالۋى ەكى توپتا دا بىردەي بولدى. سونىمەن قاتار، قان كەتۋ جيىلىگى اسپيريندى قابىلداعاندار اراسىندا جوعارى بولىپ شىقتى. سونداي- اق ەكسپەريمەنتتىك توپتا قاتەرلى ىسىك اۋرۋلارىنىڭ كوبەيگەنى بايقالدى. سەبەبى ءاسپيريننىڭ اسەرىن ۇزاق زەرتتەۋ پرەپاراتتىڭ ىسىككە قارسى اسەرىن كورسەتتى.

 ەستەرىڭىز سالا كەتەيىك، شىلدە ايىندا شەتەلدىك عالىمدار قاتەرلى ىسىكپەن كۇرەسۋ كەزىندە اسپيريننىڭ كەلتىرەر پايداسىن دالەلدەگەن بولاتىن.