باسپانا، ورتالىقتار مەن گرانتتار - دارحان كالەتايەۆ جاستاردى قالاي الەۋمەتتەندىرمەك
اتالعان ماسەلە بويىنشا نەگىزگى باياندامانى جاساعان قوعامدىق دامۋ ءمينيسترى دارحان كالەتايەۆتىڭ ايتۋىنشا، 18 بەن 29 جاس ارالىعىنداعى NEET جاستاردى، ونىڭ ىشىندە 2018 -جىلعى تۇلەكتەردى جۇمىسپەن قامتۋ جانە الەۋمەتتەندىرۋ بويىنشا جول كارتاسىن قابىلداۋ جۇمىسى جۇرگىزىلگەن.
«ەڭ ءبىرىنشى - كاسىپتىك باعدار. كاسىپتى تاڭداۋ بويىنشا جاستار ءۇشىن كونسۋلتاتسيالىق ورتالىقتاردى قۇرۋ، بولاشاقتاعى پەرسپەكتيۆالىق كاسىپتەرگە جاستاردى باعدارلاۋ ءۇشىن فۋنكتسيونالدىق شولۋلار وتكىزۋ. ەكىنشى - تەحنيكالىق جانە كاسىپتىك ءبىلىم بەرۋدى جولعا قويۋ. دۋالدىق ءبىلىم تيىمدىلىگىن ارتتىرۋ. ينجەنەرلىك كادرلاردى دايىنداۋدى ەسەپكە الىپ كوللەدجدەردە قۇزىرەتتىلىك ورتالىقتارىن قۇرۋ» ، - دەدى مينيستر.
ۇشىنشىدەن، ءمينيستردىڭ ايتۋىنشا، مەملەكەتتىك قولداۋ جانە دامىتۋ شارالارى تۋرالى جاستاردى اقپاراتتاندىرۋ دەڭگەيىن ارتتىرۋ كوزدەلەدى. ەڭبەك نارىعىندا جاستار تاراپىنان سۇرانىس جانە ۇسىنىس كارتاسىن ازىرلەۋ، بوس ورىندار جارمەڭكەسىن ۇيىمداستىرۋ تاجىريبەسىن جالعاستىرۋ، اقپاراتتىق ناۋقان مەن قوعامدىق تىڭداۋلاردى جۇرگىزۋ دە قولعا الىنادى. تورتىنشىدەن، جاستار كاسىپكەرلىگىن دامىتۋعا باسا نازار اۋدارىلادى. جاستاردىڭ ستارتاپ جوبالارىنا بيزنەس- جوسپاردى ۇسىنعان كەزدە مەملەكەتتىك گرانتتىق قارجىلاندىرۋ ماسەلەسى ەنگىزىلەدى.
«بەسىنشى - اسكەري- پاتريوتتىق تاربيە. جاستاردى وڭىرلىك اسكەر قاتارىنا تارتۋ. جەدەل اسكەري قىزمەتكە شاقىرۋ بويىنشا اتاۋلى جۇمىستى جۇرگىزۋ. التىنشى - جاستار رەسۋرستىق ورتالىقتارىنىڭ قىزمەتىن جەتىلدىرۋ. NEET جاستاردىڭ مالىمەتتەر بازاسىن قۇرۋ جانە مونيتورينگتەۋ. جەتىنشى - تۇرعىن ءۇي ماسەلەسىن شەشۋ. جاستاردىڭ تۇرعىن ءۇي كووپەراتيۆتەرىن قۇرۋ. الماتى قالاسىنىڭ تاجىريبەسىن نەگىزگە الا وتىرىپ، وڭىرلىك تۇرعىن ءۇي باعدارلامالارىن قۇرۋ» ، - دەدى دارحان كالەتايەۆ.
ونىڭ ايتۋىنشا، سەگىزىنشىدەن، مەملەكەتتىك الەۋمەتتىك تاپسىرىس جانە گرانتتىق قارجىلاندىرۋ قۇرالدارىن بەيىمدەۋ جۇرگىزىلەدى. بالالاردى تاستاپ كەتۋگە جول بەرمەۋ ءۇشىن جالعىزباستى جاس انالارعا قولداۋ كورسەتۋگە ەرەكشە كوڭىل بولىنەدى.
توعىزىنشى - ادىستەمەلەر مەن زاڭنامالاردى جەتىلدىرۋ. ەڭبەك زاڭناماسىنا NEET تۇسىنىگىن نورماتيۆتىك- قۇقىقتىق بەكىتۋ مۇمكىندىگىن قاراستىرۋ. NEET جاستار بويىنشا ماقساتتى زەرتتەۋلەر جۇرگىزۋ. «ەڭبەك نارىعى» اۆتوماتتاندىرىلعان اقپاراتتىق جۇيە شەڭبەرىندە NEET ساناتىنداعى جاستاردى ەسەپكە الۋ جۇيەسىن ۇيىمداستىرۋ.
«NEET جاستاردىڭ نەگىزگى الەۋمەتتىك بەينەسىن انىقتاۋ ماقساتىندا دياگنوستيكالىق جانە مونيتورينگتىك الەۋمەتتىك زەرتتەۋلەر جۇرگىزۋ. ونىنشى - سالاۋاتتى ءومىر سالتى. جاستاردىڭ كوپ جينالاتىن ورىندارىندا ۆوركاۋت- الاڭدارىن جوسپارلاۋ» ، - دەدى مينيستر.
اۆتور: مارلان جيەمباي