استاناداعى تەمىر جول ۆوكزالى مەيمانداردى «امانداسىپ» قارسى الاتىن بولدى

استانا. قازاقپارات - ەلوردانىڭ سارىارقا اۋدانىنداعى تەمىر جول ۆوكزالىندا «SALEM ASTANA»  اتتى جازۋ پايدا بولدى، دەپ حابارلايدى قازاقپارات ءتىلشىسى.

 ول تۋرالى استانا قالاسى سارىارقا اۋدانى اكىمى ارمان تۇرلىبەك ءوزىنىڭ فەيسبۋك پاراقشاسىندا جازدى.

«مىنە، بۇدان بىلاي تەمىر جول كولىگى ارقىلى ەل ارالاعان قوناقتار مەن قالالىقتاردى ەلوردا وسىلاي كۇتىپ الاتىن بولدى. كوپتەگەن ادامداردىڭ استاناعا كەلگەندەگى العاشقى اسەرى ءدال وسى ءبىزدىڭ اۋداندا ورنالاسقان ۆوكزالدا قالىپتاسىپ قالاتىنى ايقىن. ال ءدال وسىنداي جازۋ جولاۋشىلاردى قۋانتىپ تاستايدى دەگەن سەنىمدەمىن» ، - دەپ جازدى ارمان تۇرلىبەك.

اق جانە قىزىل ءتۇستى جازبا ءبىرشاما ۇلكەن ارىپتەرمەن جازىلعان.

«SALEM ASTANA دەڭىز، سوندا قالا ءسىزدى مىندەتتى تۇردە قۇرمەتپەن قۇشاق جايا قارسى الادى» ، - دەيدى ارمان تۇرلىبەك.