ءماجىلىس قارجى ءمينيسترىنىڭ كانديداتۋراسىن كەلىستى

استانا. قازاقپارات - بۇگىن پارلامەنت ءماجىلىسىنىڭ قارجى جانە بيۋجەت كوميتەتىنىڭ وتىرىسى ءوتىپ، وندا قازاقستان رەسپۋبليكاسى قارجى ءمينيسترى لاۋازىمىنا تاعايىنداۋ جونىندەگى كانديداتۋرا كەلىسىلدى، دەپ حابارلايدى ءماجىلىستىڭ باسپا ءسوز قىزمەتى.

«كوميتەت وتىرىسىنىڭ قورىتىندىسى بويىنشا «قازاقستان رەسپۋبليكاسى پارلامەنتى ءماجىلىسىنىڭ قارجى جانە بيۋجەت كوميتەتى «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس قازاقستان رەسپۋبليكاسىنىڭ پرەمەر-ءمينيسترى ۇسىنعان ءاليحان اسحان ۇلى سمايىلوۆتىڭ كانديداتۋراسىن قاراپ، اتالعان كانديداتۋرانى قازاقستان رەسپۋبليكاسىنىڭ قارجى ءمينيسترى لاۋازىمىنا تاعايىنداۋ ءۇشىن ۇسىنۋعا بولادى دەپ ەسەپتەيدى»، - دەلىنگەن حابارلامادا.

بۇعان دەيىن ءاليحان سمايىلوۆ قازاقستان رەسپۋبليكاسى پرەزيدەنتىنىڭ كومەكشىسى لاۋازىمىن اتقارعان.

ءاليحان اسحان ۇلى سمايلوۆ 1972- جىلى تۋعان. 1994- جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن قولدانبالى ماتەماتيكا ماماندىعى بويىنشا بىتىرگەن.

1996- جىلى قازاقستان رەسپۋبليكاسى پرەزيدەنتى جانىنداعى قازاق مەنەدجمەنت، ەكونوميكا جانە بولجاۋ ينستيتۋتىن تامامداپ، مەملەكەتتىك باسقارۋ ماگيسترى دارەجەسىن العان.

1993-1995- جىلدارى - «ا-ينۆەست» ينۆەستيتسيالىق-جەكەشەلەندىرۋ قورىنىڭ باس مامانى.

1996-1998- جىلدارى - قازاقستان رەسپۋبليكاسى ۇلتتىق ستاتيستيكا اگەنتتىگىنىڭ باسقارما باستىعىنىڭ ورىنباسارى، باسقارما باستىعى.

1998- جىلعى ناۋرىز بەن ءساۋىر ارالىعىندا - قازاقستان رەسپۋبليكاسى ستاتيستيكالىق جوسپارلاۋ جانە رەفورمالار اگەنتتىگىنىڭ ستاتيستيكا جانە تالداۋ كوميتەتى ءتوراعاسىنىڭ ورىنباسارى.

1998-1999- جىلدارى - قازاقستان رەسپۋبليكاسى پرەزيدەنتى اكىمشىلىگىندە باس ساراپشى، سەكتور مەڭگەرۋشىسى، مەملەكەتتىك ينسپەكتور.

1999-2003- جىلدارى - قازاقستان رەسپۋبليكاسى ستاتيستيتكا اگەنتتىگىنىڭ ءتوراعاسى.

2003- جىلعى اقپان مەن شىلدە ارالىعىندا - قازاقستان رەسپۋبليكاسى سىرتقى ىستەر ۆيتسە- ءمينيسترى.

2003-2006- جىلدارى - «ەكسپورتتىق كرەديتتەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى» ا ق باسقارماسىنىڭ ءتوراعاسى.

2006-2007- جىلدارى - قازاقستان رەسپۋبليكاسى قارجى ۆيتسە-ءمينيسترى.

2007-2008- جىلدارى - «قازاگرو» ۇلتتىق حولدينگى» ا ق پرەزيدەنتى.

2008-2009- جىلدارى - قازاقستان رەسپۋبليكاسى قارجى ۆيتسە-ءمينيسترى.

2009-2014- جىلدارى - قازاقستان رەسپۋبليكاسى ستاتيستيكا اگەنتتىگىنىڭ ءتوراعاسى.

2014-2015- جىلدارى - قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ ءتوراعاسى.

2015- جىلعى جەلتوقساندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى.

«قۇرمەت» وردەنىمەن، «ەرەن ەڭبەگى ءۇشىن»، «قازاقستان تاۋەلسىزدىگىنە 10 جىل»، «قازاقستان كونستيتۋتسياسىنا 10  جىل»، «استاناعا 10  جىل» مەدالدارىمەن ماراپاتتالعان. «1 رانگتى كەڭەسشى» ديپلوماتيالىق رانگى بار.