قازاقستان الەمدىك تۋريستەردىڭ «التىن ساناتىن» قالاي قىزىقتىرا الادى
«قازاقستانعا كولىكپەن جەتۋدى بارىنشا وڭتايلاندىرۋعا بارىنشا كۇش سالىپ جاتىرمىز. البەتتە، قازاقستانعا تۋريستەر ۇشىپ كەلۋى مۇمكىن، الايدا ەل ىشىندە تۋريستەر قالادان قالاعا قالاي جەتۋى كەرەك؟ بىزدە اۆتوبۋسپەن جەتۋ ماسەلەسىندە ماسەلە جوق ەمەس. تۋريستىك اۆتوبۋستاردىڭ پاركى بۇگىنگى تاڭدا 90 پايىزعا توزىپ تۇر. ءبىزدىڭ پويىزدار ءالى تۋريستىك ءونىم رەتىندە قالىپتاسا قويعان جوق. بۇگىن ءبىزدىڭ فورۋمعا كەلگەن يسپانيالىق مامان تەمىر جول تۋريزمى الەمدە ءبىرشاما سۇرانىسقا يە ەكەنىن ەرەكشە اتاپ ءوتتى. پويىزبەن بەس كۇندىك تۋردىڭ قۇنى 3 مىڭ ەۋروعا دەيىن جەتەدى. نەگىزىنەن شەتەلدىكتەر وسىنداي ساپاردى قولاي كورەدى. مىنە، ءبىز وسى قىزىعۋشىلىقتى ءوز پايدامىزعا جاراتا ءبىلۋىمىز كەرەك. سەبەبى، پويىزبەن تۋريستەردىڭ «التىن ساناتى»، ياعني ەلۋ جاستان اسقان ادامدار ەل ارالايدى»، - دەدى.
تيمۋر دۇيسەنعاليەۆتىڭ ايتۋىنشا، ەلۋ جاستان اسقان تۋريستەر - ءبىلىمدى ءارى اقشالى كىسىلەر. مىنە، ناقتى وسى ساناتتاعى تۋريستەر ءبىزدىڭ ەلدى ارالاۋدى قولاي كورۋى ابدەن مۇمكىن.
«سوندىقتان، مەملەكەت باسشىسىنىڭ تاپسىرماسىن، زاڭنامالىق سالادا اتقارىلىپ جاتقان شارۋالاردىڭ (تۋريزم تۋرالى جاڭا زاڭنىڭ دايىندالۋى - اۆت.) ەسەبىنەن كەلەسى جىلدىڭ وزىندە قانداي دا ءبىر ناتيجەلەرگە قول جەتكىزەرمىز دەگەن سەنىمدەمىن. مىسالى، قازاقساندا وسى جىلى كەلگەن تۋريستەردىڭ سانى وتكەن جىلمەن سالىستىرعاندا 22 پايىزعا ارتقان. بۇعان قالا كوشەلەرىندەگى كورىنىس ايقىن دالەل. وسى سەبەپتى، تۋريزمگە دەگەن سەنىمىمىز زور. قازاقستان شيكىزات ەلىنەن تۋريزم سالاسىنداعى ساپالى قىزمەت كورسەتەتىن ەلگە اينالارمىز دەگەن ءۇمىت بار»، - دەدى «Kazakh Tourism» ۇ ك» ا ق باسقارما ءتوراعاسىنىڭ ورىنباسارى.
تيمۋر دۇيسەنعاليەۆتىڭ ايتۋىنشا، تۋريستەر قازاقستانعا ءزاۋلىم قوناق ۇيلەر مەن اۋەجايلاردى كورۋگە كەلمەيدى. ولار كوبىنەسە ايرىقشا ورىندارعا بارعىسى كەلەدى.
«دەمەك، جاڭا تاجىريبە جيناقتاعىمىز كەلەدى. ءاربىر وڭىردە شىنىندا دا ايرىقشا ورىندار بارىنا تولىق سەنەمىن. دەمەك، ايرىقشا ورىندارىمىزدى وتە قىزىقتى ەتىپ كورسەتە الار رەسۋرستارىمىزدى باعالاي الىپ وتىرعان جوقپىز. اڭىزعا اينالعان ورىندار قانشالىق. قازاقستان تابيعاتىمەن باي. سوندىقتان، ءاربىر وڭىردەگى ايرىقشا ەرەكشەلىكتى ءىنجۋ- مارجانعا اينالدىرىپ جىبەرۋگە ابدەن بولادى»، - دەيدى ول.
تيمۋر دۇيسەنعاليەۆ اتاپ وتكەندەي، قازاقستاندا تۋريزم سالاسىنان تۇسكەن پايدا جالپى ىشكى ءونىمنىڭ 1 پايىزىن عانا قۇرايدى. ەندىگى ماقسات - 2023 -جىلعا دەيىن بۇل ءتۇسىمدى 8 پايىزعا دەيىن جەتكىزۋ.
«اۋىل شارۋاشىلىعىنىڭ تابىسى ج ءى و- ءنىڭ 5 پايىزىن قۇرايدى. ال ءبىز 8 پايىزدى كوزدەپ وتىرمىز»، - دەيدى تيمۋر دۇيسەنعاليەۆ.
ەسكە سالا كەتسەك، ەلوردادا «بىرلىككە بارار جولدا» اتتى جىبەك جولىنا قاتىسۋشى ەلدەرىنىڭ حالىقارالىق فورۋمى ءوتىپ جاتىر.
اۆتور: ايان بەكەن ۇلى