ق ر س ءى م: كورەي تۇبەگىندەگى دەنۋكلەاريزاتسيا ءۇشىن ەڭ ماڭىزدى شارت - سەنىمدى نىعايتۋ
قازاقستاننىڭ ب ۇ ۇ جانىنداعى تۇراقتى وكىلى قايرات وماروۆ ب ۇ ۇ قاۋىپسىزدىك كەڭەسىنىڭ كەزەكتەن تىس وتىرىسىندا جاپپاي قىرىپ-جويۋ قارۋلارىمەن بايلانىستى بارلىق پروبلەمالىق ماسەلەلەردى سەنىم شارالارىن ىسكە اسىرۋ ارقىلى باستى كەزەكتە رەسەي، قىتاي جانە امەريكا قۇراما شتاتتارىنىڭ اراسىنداعى ءوزارا سەنىمدى نىعايتۋ جولىمەن شەشۋ قاجەتتىگىن ايتتى.
قازاقستان پرەزيدەنتى نۇرسۇلتان نازاربايەۆ بيىلعى قاڭتارداعى قاۋىپسىزدىك كەڭەسىنىڭ ارنايى تەماتيكالىق وتىرىسىندا سويلەگەن سوزىندە وسىنداي ۇندەۋىن ورتاعا سالعان بولاتىن. مەملەكەت باسشىسى سەنىم شارالارىن جاھاندىق قاۋىپسىزدىك پەن بەيبىتشىلىكتى نىعايتۋ ارحيتەكتۋراسىن ساقتاۋدىڭ ەڭ ماڭىزدى ەلەمەنتى دەپ اتاپ وتكەن.
«بۇگىنگى كورەي تۇبەگىندەگى جاعداي وسىعان دەيىنگى ەڭ قولايلىلاردىڭ بىرىنەن تابىلىپ وتىر جانە ول ءبىزدى ودان ءارى پاراساتتى ەرىك پەن اشىقتىق تانىتۋعا جانە ءوزارا كەلىسىمگە بارۋعا يتەرمەلەيدى» - دەي وتىرىپ، ق. وماروۆ ساياسي جانە ديپلوماتيالىق كۇش-جىگەرلەردىڭ ودان ءارى ءساتتى تۇردە جالعاسىن تاباتىنىنا سەنىمىن ءبىلدىردى.