11:38, 18 - قىركۇيەك 2018 | GMT +6
قازاقستاندىق نوكاۋتشى كاسىپقوي بوكستاعى جەتىنشى جەڭىسىنە قول جەتكىزدى
استانا. قازاقپارات - سۋپەر اۋىر سالماقتاعى قازاقستاندىق بوكسشى جان كوسوبۋتسكي كاسىپقوي رينگتەگى جەتىنشى جەڭىسىنە قول جەتكىزدى، - دەپ حابارلايدى Vesti.kz.
29 جاستاعى كوسوبۋتسكي ۋكراينالىق 26 جاستاعى كونستانتين دوۆبىشەنكومەن (3-2, 1 ك و) جەكپە-جەك وتكىزگەن. كەزدەسۋ مينسكىدە ءوتىپ، 6 راۋندقا سوزىلعان.
ناتيجەسىندە قازاقستاندىق بوكسشى ۇپاي ايىرماسىمەن جەڭىسكە جەتتى. بۇل جان كوسوبۋتسكيدىڭ 2018-جىلى وتكىزگەن ءتورتىنشى جەكپە-جەگى.
ونىڭ كارەراسى 2017-جىلدىڭ قىركۇيەگىندە باستالعان بولاتىن. قازاقستاندىق بوكسشى 12 ايدا 6 رەت مەرزىمىنەن بۇرىن جەڭىسكە جەتتى. ال بۇل جولى ول تۇڭعىش رەت نوكاۋتسىز جەڭىسكە جەتىپ وتىر.