اقجارقىن تۇرلىبايدىڭ ىسىنە قاتىستى جاڭا دەرەكتەر شىقتى

استانا. قازاقپارات - قىتايدا سوتتالعان قازاقستاندىق اقجارقىن تۇرلىبايدىڭ ءىسى اپەللياتسيادا قارالىپ جاتىر.

بۇل تۋرالى ق ر سىرتقى ىستەر مينيسترلىگىنىڭ وكىلدەرى مالىمدەدى، - دەپ حابارلايدى Tengrinews.kz ءتىلشىسى.

«قازىرگى ۋاقىتتا اقجارقىن تۇرلىبايدىڭ ءىسى اپەللياتسيادا قارالىپ جاتىر، وبلىستىق دەڭگەيگە اۋىستىرىلدى. ونىڭ ادۆوكاتى مەن ءبىزدىڭ قىتايداعى كونسۋل ۇنەمى بايلانىستا. قىتاي زاڭدارىنا سايكەس، وندا ءدال وسى ءىستى اپەللياتسيالىق سوتتا قاراۋدىڭ بەلگىلى ءبىر مەرزىمى قاراستىرىلماعان. ەندى قىتاي تاراپىنان حابار كۇتەمىز. شەشىم شىققان كەزدە مىندەتتى تۇردە حابارلايمىز»، - دەدى ق ر س ءى م رەسمي وكىلى ايبەك سمادياروۆ.

مۇنىڭ الدىندا اپپەلياتسيالىق سوت قازاقستاندىق قىزدىڭ ءومىر بويى باس بوستاندىعىنان ايىرۋ جازاسىن وزگەرتكەن بولاتىن.

ەسكە سالا كەتەيىك، قازاقستاندىق 20 جاستاعى ستۋدەنت اقجارقىن تۇرلىباي 2014-جىلدىڭ ناۋرىزىندا قىتاي مەن مالايزيانىڭ شەكاراسىندا ۇستالدى. ونىڭ جۇگىنەن 4,5 كەلى ەسىرتكى تابىلدى.

قىز سومكەسىندە ەسىرتكىنىڭ بارىن بىلمەگەنىن، ونى بىرەۋلەردىڭ بەرىپ جىبەرگەنىن ايتقان ەدى.