ق ر سىرتقى ىستەر ءمينيسترى قايرات ءابدىراحمانوۆ تۇركى كەڭەسىنىڭ باس حاتشىسىمەن كەزدەستى
ق ر سىرتقى ىستەر مينيسترلىگىنەن ءمالىم ەتكەندەي، ۆەدومستۆو باسشىسى قايرات ءابدىراحمانوۆ پەن ب. امرەيەۆتىڭ كەزدەسۋى بارىسىندا قازاقستان جانە پرەزيدەنت نۇرسۇلتان نازاربايەۆ تاراپىنان جەكە تۇركىتىلدەس ەلدەردىڭ اراسىنداعى ىنتىماقتاستىق ماسەلەلەرىنە اسا زور ماڭىز بەرىلەتىنى اتاپ ءوتىلدى.
«وتكەن 6- ت م ى ك سامميتى بارىسىندا مەملەكەت باسشىسى تۇركى كەڭەسىندەگى ىنتىماقتاستىق شەڭبەرىندە ناقتى ماقساتتار مەن مىندەتتەردى انىقتادى. وسىعان بايلانىستى، تۇركى كەڭەسىنىڭ حاتشىلىعى ۇيىمنىڭ بارلىق مۇشە مەملەكەتتەرىنىڭ مۇددەلەرىن نازارعا الا وتىرىپ، ولاردى ىسكە اسىرۋىن باستاۋ قاجەت. قازاقستاندىق تاراپتىڭ ەرەكشە نازارىندا تۇركى كەڭەسىن جانە تۇركى ينستيتۋتتارىن رەفورمالاۋ ماسەلەلەرى بولادى. حاتشىلىقتان ۇلكەن جانە جەمىستى جۇمىستى كۇتەمىز جانە ءوز تاراپىمىزدان تۇركى كەڭەسىنىڭ حاتشىلىعىنا تولىقتاي قولداۋ كورسەتۋگە ازىرلىگىمىزدى قۇپتايمىز»، - دەدى مينيستر.
ب. امىرەيەۆ تۇركى كەڭەسىنىڭ اعىمداعى قىزمەتى مەن الداعى جۇمىس جوسپارلارى تۋرالى حابارلادى. باس حاتشى تۇركى كەڭەسىنىڭ مۇشە مەملەكەتتەرىمەن وتكىزىلىپ جاتقان جۇمىستارى تۋرالى اقپارات بەردى.
تۇركى كەڭەسىنىڭ 6- سامميتى بارىسىندا ەلباسى كولىك سالاسىندا ىنتىماقتاستىقتى دامىتۋ ماسەلەسىن جانداندىرۋدى، اتاپ ايتقاندا تاريفتىك ساياساتتى وڭتايلاندىرۋدى جانە تۇركى كەڭەسىنە مۇشە مەملەكەتتەر اراسىنداعى ترانزيتتىك تاسىمالداۋ جاعدايىن دامىتۋدى، «استانا» حالىقارالىق قارجى ورتالىعى الاڭىن بەلسەندى تۇردە قولدانۋدى شاقىردى. سونداي- اق «زاماناۋي جىبەك جولى» تۋريستىك جوباسىن جىلجىتۋ شەڭبەرىندە قازاقستاندا قارجىلىق تۇرعىدان تارتىمدى جانە باسەكەگە قابىلەتتى بولۋىن قامتاماسىز ەتۋ ءۇشىن ءتيىستى شارالار وتكىزۋدى، جاستار ساياساتى مەن مادەني- گۋمانيتارلىق سالالاردا ىنتىماقتاستىقتى بەلسەندى دامىتۋدى ۇسىندى. قازاقستان پرەزيدەنتى تۇركى الەمىنىڭ باي مادەني جانە تاريحي مۇراسىن اتاپ ءوتىپ، «تۇركى الەمىنىڭ كيەلى جەرلەرى» جانە «تۇركى الەمىنىڭ 100 تۇعىرلى تۇلعاسى» اتتى جوبالاردى مۇشە مەملەكەتتەرمەن بىرلەسىپ جۇزەگە اسىرۋدى ۇسىندى.
ايتا كەتەيىك، تۇركى كەڭەسى قازاقستان پرەزيدەنتى ن. نازاربايەۆتىڭ باستاماسىمەن قۇرىلعان بولاتىن. قازىرگى تاڭدا تۇركى كەڭەسىنىڭ مۇشە مەملەكەتتەرى رەتىندە ازەربايجان، قازاقستان، قىرعىزستان جانە تۇركيا بولىپ تابىلادى. قىرعىزستانداعى تۇركى كەڭەسىنىڭ 6- سامميتى بارىسىندا ماجارستان تۇركى كەڭەسى جانىندا باقىلاۋشى مارتەبەگە يە بولدى. ۇيىمنىڭ باس- پاتەرى ىستانبۇل قالاسىندا ورنالاسقان.