اقتوبەلىك ءورت سوندىرۋشىلەر رەسەيگە كومەككە اتتاندى
رەسەيدىڭ ورىنبور وبلىسىنداعى ءورت سوندىرۋشىلەر اقتوبەلىك ارىپتەستەرىنەن كومەك سۇرادى.
«اقتوبە وبلىستىق توتەنشە جاعدايلار دەپارتامەنتىنە ساعات 16.40-تا ورىنبور وبلىسىندا قۇرعاق ءشوپتىڭ جانىپ جاتقانى جانە جاقىن ايماقتارداعى ەلدى مەكەندەرگە قاۋىپ تونگەنى، وسى ورايدا ءورتتى ءسوندىرۋ ءۇشىن قوسىمشا كۇش پەن قۇرال قاجەت ەكەنى تۋرالى اقپارات كەلىپ ءتۇستى. ال 18.30-دا اقتوبە وبلىسىندا جەدەل شتاب جۇمىسىن باستادى. دەپارتامەنت باسشىلىعى ق ر ءى ءى م ت ج ك اقتوبە وبلىسى توتەنشە جاعدايلار دەپارتامەنتى مەن ر ف ت ج م ورىنبور وبلىسى بويىنشا باسقارماسى اراسىنداعى ءوزارا كومەك كورسەتۋ جوسپارىن ورىنداۋ ماقساتىندا ورتكە قارسى قىزمەت كۇشى مەن قۇرىلىمىنان 36 ادام مەن 5 تەحنيكا جىبەردى. سونىمەن قاتار، قارعالى اۋدانى ەرىكتى ورتكە قارسى قۇرىلىم جاساعىنان 10 ادام مەن 1 دانا تەحنيكانى اتتاندىردى»، - دەپ حابارلادى وبلىستىق ت ج د باسپا ءسوز قىزمەتى.
اۆتور: التىناي ساعىندىقوۆا