مەن سىزدەردى ساعىناتىن بولامىن - قازاقستانداعى ءوز قىزمەتىن اياقتاعان ا ق ش ەلشىسى

استانا. قازاقپارات - قازاقستانداعى ءوز قىزمەتىن اياقتاعان ا ق ش ەلشىسى دجوردج كرول ەلشىلىكتىڭ ينستاگرام جانە فەيسبۋك پاراقشالارىندا قازاقستاندىقتارعا ارنالعان بەينەۇندەۋ ورنالاستىردى.

ءوزىنىڭ قازاقستانعا دەگەن ريزاشىلىق سەزىمىن دجوردج كرول قازاق جانە اعىلشىن تىلدەرىندە جەتكىزدى. بەينەۇندەۋدە ەلشىنىڭ رەسپۋبليكا اۋماعىندا وتكىزگەن كەزدەسۋلەرى مەن ساپارلارىنداعى، سونداي- اق ەلىمىزدىڭ ومىرىندەگى ماڭىزدى مادەني وقيعالارعا قاتىسۋى كەزىندەگى كادرلار كورسەتىلدى. وندا دجوردج كرولدىڭ جانە ەلشىلىك قىزمەتكەرلەرىنىڭ قازاقستاننىڭ ءانۇرانىن ورىنداۋ ساتتەرى دە بار.