استانالىقتار وسى اپتادا قانداي مادەني جانە سپورتتىق شارالاردى تاماشالاي الادى؟
ايتا كەتسەك، وسىعان دەيىن جازعانىمىزداي، قىركۇيەكتىڭ سوڭىنا دەيىن تاۋەلسىزدىك سارايىندا ق ر ونەر اكادەمياسىنىڭ «استانا - ارمان قالا» اتتى قولدانبالى جانە كوركەم سۋرەت كورمەسى، فوتوجۋرناليست، جەرگىلىكتى تاريحشى نۇرمۇحامات يماموۆتىڭ شىعارماشىلىعىنا ارنالعان كورمە، «اقانايەۆتار اۋلەتى» اتتى جەكە كوركەم كورمەسى، «قاسيەتتى جەرلەرگە ساياحات» پاۆلودار قالاسىنىڭ سۋرەتشىلەر كورمەسى، «اتا زاڭ - ەل تىرەگى، استانا - ەل جۇرەگى» قازاقستان رەسپۋبليكاسى كونستيتۋتسياسى كۇنىنە وراي كورمە، يادرولىق سىناقتارعا قارسى حالىقارالىق كۇنگە ارنالعان تاقىرىپتىق كورمە وتەتىن بولادى.
17-27- قىركۇيەكتە «Target shooting club» سپورت كەشەنىندە ستەند اتۋدان «The International Youth Cup» جانە «Grand Prix of Astana» حالىقارالىق تۋرنيرى وتكىزىلەدى.
سونىمەن قاتار، 17-27- قىركۇيەك ارالىعىندا «جاستار» سارايىندا «مير ۆكۋسنوگو مەدا» كورمەسى ۇيىمداستىرىلادى.
17- قىركۇيەك ساعات 10:00 دە «الاتاۋ» سپورت سارايىندا گاندبولدان ايەلدەر كوماندالار اراسىندا قازاقستان رەسپۋبليكاسىنىڭ چەمپيوناتى (سۋپەر ليگانىڭ 1 تۋرى) باستالادى.
17-18- قىركۇيەك ارالىعىندا نازاربايەۆ ۋنيۆەرسيتەتىنىڭ سپورت كەشەنىندە «جۇلدىزاي» 2-رەسپۋبليكالىق سپارتاكياداسى ۇيىمداستىرىلادى.
18- قىركۇيەك كۇنى ساعات كەشكى 19:30-دا 2018-2019 ماۋسىمىنىڭ ق ح ل چەمپيوناتى «بارىس» ح ك - «اۆانگارد» ح ك كوماندالارى كەزدەسەدى.
19- قىركۇيەك 10:00 دە «داۋلەت» سپورت كەشەنىندە جەكپە-جەك سايىسىنان ۇلتتىق ۇلان باس قولباسشىسىنىڭ كۋبوگىنا ارنالعان حالىقارالىق تۋرنيرى باستالادى.
21- قىركۇيەك ساعات 10:00 دە قارتتار ۇيىندە مۇگەدەكتەر كۇنىنە ارنالعان «تىكە-تىرەس» فەستيۆالى (دويبىدان جارىس) وتكىزىلەدى.
ءدال سول كۇنى ساعات 14:00 دە «استانا ارەنا» ستاديونىندا ەكىنشى ليگا جاستار كلۋبتارى اراسىنداعى فۋتبولدان قازاقستان رەسپۋبليكاسىنىڭ بىرىنشىلىگىندە «استانا م» - «جەتىسۋ م» كوماندالارى كەزدەسەدى.
22- قىركۇيەك 9:00 دە ۇلتتىق عىلىمي كارديوحيرۋرگيا ورتالىعىندا قايىرىمدىلىق ۆەلوشەرۋ وتكىزىلەدى.
22-23- قىركۇيەك كۇندەرى ميچۋرينو اۋدانىندا تۋريستىك كوپسايىستان استانا قالاسى كۋبوگىنىڭ Ⅲ كەزەڭى جانە «التىن كۇز - 2018» اتتى اشىق قالالىق تۋريستىك سلەت ۇيىمداستىرىلادى.
22- قىركۇيەكتە ساعات 10:00 دە «جاستار» سارايىندا تەگىن زاڭ كەڭەستەرى، «قۇقىقتىق ساۋاتتىلىق» رەسپۋبليكالىق اكسياسى، ال قارتتار ۇيىندە مۇگەدەكتەر كۇنىنە ارنالعان «تىكە-تىرەس» فەستيۆالى (شاحماتتان جارىس) وتكىزىلەدى.
23- قىركۇيەك كۇنى ساعات 10:00 دە قارتتار ۇيىندە توعىزقۇمالاقتان جارىس وتكىزىلسە، قازمەديا حوللدا كەشكى ساعات 20:00 دە «پيكنيك» توبىنىڭ «ليەۆيتاتسيا» اتتى كونسەرتى باستالادى.