توميريس فيلمىنىڭ باستى كەيىپكەرى الميرا تۇرسىن تۇسىرىلىمدەردى اياقتادى

استانا. قازاقپارات - اقان ساتايەۆتىڭ «توميريس» اۋقىمدى تاريحي تۋىندىسىنىڭ باستى كەيىپكەرى الميرا تۇرسىن جوباداعى تۇسىرىلىمدەرىن اياقتادى.

بۇل تۋرالى فيلم رەجيسسەرى ينستاگرامدا حابارلادى.

«بۇگىن ءبىزدىڭ «توميريس» جوبامىزدا فيلمنىڭ باستى كەيىپكەرى الميرا تۇرسىن تۇسىرىلىمدەردى اياقتادى.

كەرەمەت سومدالعان بەينە ءۇشىن، كينوعا دەگەن ماحاببات ءۇشىن جانە جۇمىسقا جان-تانىمەن بەرىلگەندىگى ءۇشىن العىس بىلدىرەمىن»، - دەپ جازدى اقان ساتايەۆ.

ەسكە سالا كەتسەك، الماتىلىق الميرا تۇرسىن ماماندىعى بويىنشا پسيحولوگ جانە تۇلعالىق دامۋ جونىندەگى جاتتىقتىرۋشى.

اقپان ايىنىڭ باسىندا، تاريحي فيلمدە باستى رولگە بەكىتىلگەننەن كەيىن ول حالىققا كەڭىنەن تانىمال بولا باستادى. ا. تۇرسىننىڭ ماسساگەتتەر پاتشايىمى بەينەسىندەگى سۋرەتى قازنەت ارقىلى تاراپ، بويجەتكەن قازاقستاندىق سۇلۋلىقتىڭ ەتالونىنا اينالدى.