قىزىلوردادا شىنى زاۋىتىنىڭ قۇرىلىسى بيىل اياقتالادى

قىزىلوردا. قازاقپارات - قىزىلوردا قالاسىنداعى شىنى زاۋىتى قۇرىلىسىنىڭ اياقتالۋى اعىمداعى جىلدىڭ اياعىنا جوسپارلانىپ وتىر.

وبلىس اكىمدىگى قۇرىلىستى ۋاقىتىندا اياقتاۋ ءۇشىن ءتيىستى ءىس-شارالاردى جۇزەگە اسىرۋدا، دەپ حابارلايدى قازاقپارات ءتىلشىسى ءوڭىر باسشىسىنىڭ باسپا ءسوز قىزمەتىنە سىلتەمە جاساپ.

قىزىلوردا وبلىسىنىڭ اكىمى قىرىمبەك كوشەربايەۆ شىنى زاۋىتىنىڭ قۇرىلىس الاڭىنا بارىپ، وندا ىسكە قوسىلاتىن بارلىق 4 نىساننىڭ قۇرىلىس جۇمىستارىمەن تانىستى. قازىرگى ۋاقىتتا مۇندا 17 مەردىگەرلىك كومپانيانىڭ 240 قا جۋىق جۇمىسشىسى ەڭبەك ەتىپ ءجۇر.

بۇگىندە دايىن ءونىم قويماسى، ىشكى تەمىر جول، نەگىزگى سەحتار، ىشكى ينجەنەرلىك جەلىلەر كەشەندەرى بويىنشا قاجەتتى جۇمىستار اتقارىلۋدا. شىنى زاۋىتىنا قاجەتتى بارلىق ينفراقۇرىلىم بيۋجەتتىك قاراجات ەسەبىنەن جەتكىزىلەدى. بۇگىنگى تاڭدا گاز قۇبىرىنىڭ ەكى تارماعى، سۋمەن جابدىقتاۋ، كارىز جۇيەسى، ەلەكتر جەلىلەرى، جولدار مەن بايلانىس جەلىلەرى تارتىلدى. اعىمداعى جىلدىڭ قاراشا ايىنا دەيىن تەمىر جولدىڭ قۇرىلىسىن اياقتاۋ جوسپارلانىپ وتىر.

ايتا كەتۋ كەرەك، «چاينا تريۋمف» كومپانياسى كۇن باتارەيالارى، سمارتفوندار مەن پلانشەتتەر (قۋاتتىلىعى كۇنىنە 250 توننا ۋلترا جۇقا شىنى وندىرەتىن زاۋىت) ءۇشىن پايدالانىلاتىن وتە جۇقا ءارى ۋلترا ءمولدىر شىنى ءوندىرۋ ءۇشىن جوعارى تەحنولوگيالىق زاۋىت قۇرىلىسىنا ينۆەستور رەتىندە قوسىلدى.

جاڭا جوبانىڭ قۇنى شامامەن 150 ميلليون ا ق ش دوللارىن قۇرايدى. ونىمدەردىڭ نەگىزگى ارتىقشىلىقتارى - قالىڭدىعى 0,15 م م تەگىس جانە وپتيكالىق بۇرمالانۋى تومەن شىنى. زاۋىت قۇرىلىسىنىڭ ەكىنشى كەزەڭىندە 500 جاڭا جۇمىس ورنىن، ال پايدالانۋعا بەرگەننەن كەيىن شامامەن 150 دەن استام تۇراقتى جۇمىس ورنىن قۇرۋ جوسپارلانىپ وتىر.