تۇركىستاندىق ديقاندار باقشالىق ونىمدەردى جيناۋدان رەكورد ورناتتى

تۇركىستان. قازاقپارات - تۇركىستاندىق ديقاندار باقشالىق ونىمدەردى جيناۋدان رەكورد ورناتتى. بۇل تۋرالى وبلىس اكىمدىگى اپپاراتىنىڭ ماجىلىسىندە ايتىلدى، دەپ حابارلايدى قازاقپارات ءتىلشىسى.

وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى نۇربەك بادىراقوۆتىڭ ايتۋىنشا، بيىل وڭىردە كوكونىس، كارتوپ، باقشا داقىلىنان 2,7 ميلليون توننا ءونىم جينالىپ، رەكوردتىق كورسەتكىشكە قول جەتكىزىلدى. 6,9 مىڭ گەكتارعا تامشىلاتىپ سۋارۋ ءادىسىن ەنگىزۋ تاپسىرماسى بەرىلىپ، 92 پايىزعا (6,4 مىڭ گەكتار) وندىرىلگەن. وبلىس بويىنشا اۋىل شارۋاشىلىعى ونىمدەرىنىڭ جالپى شىعارىلىمى 249998,2 ميلليون تەڭگەنى قۇراپ، بۇل وتكەن جىلدىڭ سايكەس كەزەڭىنىڭ دەڭگەيىنەن %3,4 عا جوعارى.

جيىندا سونداي-اق 8 ايدىڭ قورىتىندىسى مەن بيۋجەتتىڭ اتقارىلۋى جانە 9 ايدا كۇتىلەتىن بولجام تۋرالى دەرەكتەر تىڭدالدى. بۇل جونىندە وبلىستىق قارجى جانە ءبىلىم باسقارمالارىنىڭ باسشىلارى باياندادى.

ءوز كەزەگىندە ايماق باسشىسى جانسەيىت تۇيمەبايەۆ بيۋجەتتى دۇرىس جوسپارلاپ، قارجىنى ۋاقتىلى ءارى ساپالى يگەرۋ قاجەتتىلىگىن اتاپ ءوتتى. اتالعان باسقارما باسشىلارى جانە اۋدان، قالا اكىمدەرىنە جۇمىستى شيراتۋدى تاپسىردى. سونداي-اق اۋىل شارۋاشىلىعىن جەتەكشى سالالاردىڭ ءبىرى رەتىندە دامىتىپ، كورسەتكىشتەردى جاقسارتۋ، شارۋاشىلىقپەن اينالىساتىن ازاماتتارعا قولداۋدى كۇشەيتۋ جونىندە تاپسىرما بەردى.