گولوۆكين «كانەلومەن» ءۇشىنشى ايقاسقا ەنگىزۋدى كوزدەيتىن وزگەرىستەردى اتادى

None
None
 استانا. قازاقپارات - قازاقستاندىق بوكسشى گەننادي گولوۆكين (38-1-1, 34 كو) ESPN- گە بەرگەن سۇحباتىندا مەكسيكالىق ساۋل الۆارەسپەن (49-1-2, 34 ك و) ءوتۋى ىقتيمال ءۇشىنشى جەكپە- جەك الدىندا قانداي وزگەرىستەر ەنگىزۋدى جوسپارلاپ وتىرعانىن ايتتى، دەپ حابارلايدى Sports.kz.

«مەن كوپتەگەن ايقاستاردى جوعارى دەڭگەيدە وتكىزدىم. مۇمكىن، جىلدامدىقتا، ستراتەگيادا ازداعان وزگەرىستەر بولعان شىعار.. . جانە سونداي- اق كەلەسى جولى قالانى وزگەرتكىم كەلەدى: ۆەگاس ەمەس، باسقا ءبىر قالادا بولۋى مۇمكىن» ، - دەپ ءبولىستى گولوۆكين.

 ەسكە سالايىق، گولوۆكين - «كانەلو» رەماتچى 16 قىركۇيەك كۇنى امەريكا قۇراما شتاتتارىنىڭ لاس ۆەگاس قالاسىنداعى T- Mobile Arena-دا وتكەن بولاتىن. ناتيجەسىندە وتانداسىمىز تورەشىلەر شەشىمىمەن (113-115, 114-114, 113-115) جەڭىلىپ، WBA Super، WBC جانە IBO تۇجىرىمدارى بويىنشا ورتا سالماقتاعى چەمپيوندىق بەلدىكتەرىنەن ايىرىلدى. ەسكە سالايىق، ولاردىڭ ءبىرىنشى ايقاسى بىلتىر تەڭ ناتيجەمەن اياقتالعان ەدى.

سوڭعى جاڭالىقتار