ديماش نە سەبەپتى قىتاي قىزىمەن سۇيىسكەنىن ءتۇسىندىردى

 استانا. قازاقپارات - ديماش بەينەباياندا قىتاي قىزىمەن سۇيىسكەن ارەكەتىن ءتۇسىندىردى. جەلىدە ونىڭ جاڭا بەينەبايانان ءۇزىندى تارادى.

ديماش جاڭا بەينەباياندا ماحابباتتىڭ ۇلى سەزىم ەكەنىن كورسەتۋگە، عاشىق جاندار ماڭگى بىرگە بولسىن دەگەن نيەتپەن عاشىقتار وقيعاسىن تاڭداپ العانىن ايتتى.

«ماحاببات الەمدەگى ەڭ ۇلى سەزىم. ونى كوزبەن كورىپ، تۇنىعىن سەزىنۋ مۇمكىن ەمەس. ماحبباتتان باسقا قانداي تاقىرىپتى تاڭداۋعا بولادى؟ بۇل وقيعا ماحابباتتى سەزىنگەندەرگە دە، سەزىنبەگەندەرگە دە، ايىرىلىسقان جاندارعا دا اسەر ەتەدى دەپ ويلايمىن. عاشىقتار بىرگە بولسىن دەگەن نيەت بولدى. ماحابباتتى سەزىنۋ، تۇنىعىنا دەيىن ءتۇسىنۋ - ۇلكەن ونەر. وسى ۇلى سەزىم ءارقايسىڭىزدىڭ جۇرەگىڭىزدە ۇيالاسىن دەگەن نيەتىم بار. ومىرلەرىڭىز سىيلاستىققا، ماحابباتقا، جىلۋلىققا تولى بولسىن»، -  دەيدى ءانشى.

بۇعان دەيىن جەلىدە ديماشتىڭ قىتاي قىزىمەن سۇيىسكەن روليگى جاريالانعان ەدى. بۇل قىتايلىق رەجيسسەر تۇسىرگەن جاڭا بەينەبايان.

بۇل جايت جەلى قولدانۋشىلارى اراسىندا قىزۋ تالقىعا ءتۇستى.