استانانىڭ قاۋىپسىزدىگىنە باعىتتالعان ۇزدىك ستارتاپ جوبالار انىقتالدى

استانا. قازاقپارات - ستارتاپ بايقاۋ ناتيجەسىندە ۇزدىك دەپ تانىلعان جوبالار قالا قاۋىپسىزدىگى ءۇشىن جۇزەگە اسىرىلاتىن بولادى، دەپ حابارلايدى قازاقپارات ءتىلشىسى.

ءۇش كۇنگە سوزىلعان Astana Innovations Challenge اياسىنداعى Startup Weekend جوباسىنا 230 دان استام ادام تىركەلىپ، ولار ءوزارا 26 كومانداعا ءبولىندى. بايقاۋدا 26 جوبا ۇسىنىلىپ، ونىڭ 11 ءى فينالعا شىقتى.

ءادىلقازىلار فينالدا ۇزدىك دەپ تانىلعان 3 جوبانى انىقتاپ، 1 ميلليون تەڭگە تۇراتىن جۇلدە قورىن ءۇش ورىنعا ءبولىپ بەردى.

«Astana Innovations Challenge اياسىندا بۇعان دەيىن «مالىمەتتەردىڭ اشىقتىعى» جانە «اقىلدى قالا» تاقىرىپتارىندا ستارتاپ شارالار ۇيىمداستىرىلدى. بۇل جولى «قاۋىپسىز قالا» تاقىرىبىنداعى ستارتاپ جوبالارعا ارنادىق. قالانىڭ بارىنشا قاۋىپسىز بولۋى جولىنداعى ۇزدىك دەگەن جوبالار ءۇش كۇن ىشىندە جاسالىپ، انىقتالدى.

تاعى ءبىر ايتا كەتەرلىگى، ورىن الماعان جوبالار دا ەلەۋسىز قالمايدى. ويتكەنى، وسى شارانى ۇيىمداستىرۋداعى ارىپتەس كومپانيالار كەيبىر جوبالاردى جۇزەگە اسىرۋعا قىزىعۋشىلىق تانىتىپ وتىر. جانە اتالعان جوبا ءوز جالعاسىن تابادى. ۇستىمىزدەگى جىلى يننوۆاتسيا تاقىرىبىنا ارنالعان تاعى ءۇش شارانى وتكىزۋ جوسپاردا تۇر»، - دەدى «Astana Innovations»  ا ق- نىڭ باسقارما ءتوراعاسى ولجاس سارتايەۆ.

Startup Weekend- ءتىڭ ۇزدىك دەپ تانىلعان ءۇش جوباسى:

1- ورىن - FaceR كومانداسى بەت-بەينەنى تانۋعا ارنالعان پلاتفورما؛

2- ورىن - Qaz Aqua كومانداسى SOS باتىرماسى مەن قاۋىپسىزدىك تايانىش ورناتىلعان فۋنكسيالارى بار GPS بىلەزىك؛

3- ورىن - Stop Bop كومانداسى ۆيدەوكامەرادان قىلمىسكەردىڭ بەت-بەينەسىن تانۋعا ارنالعان جۇيە.

سونىمەن قاتار، اتالعان شارا اياسىندا ءوز كاسىبىن جاڭادان باستاعان جاس ىسكەرلەر ءۇشىن ساراپشىلار مەن بيزنەسمەندەر تاجىريبەلەرىن ورتاعا سالىپ، تابىسقا جەتۋ قۇپيالارىمەن ءبولىستى.

ايتا كەتەيىك، قاۋىپسىز قالا تاقىرىبىندا 6 باعىت بويىنشا جۇمىس ىستەگەن جاس ستارتاپشىلار جوباسى وسىدان ەكى كۇن بۇرىن باستالعان.