ەۋرووداق ەلدەرى جازعى جانە قىسقى ۋاقىتقا كوشپەيتىن بولدى

None
None
استانا. قازاقپارات - ەۋرووداق ەلدەرى 2019 -جىلدىڭ قازان ايىنان باستاپ جازعى جانە قىسقى ۋاقىتقا كوشپەيتىن بولادى.

 بۇل تۋرالى ەۋرووداقتىڭ كولىك كوميسسارى ۆيولەتتا بۋلك بريۋسسەلدە ءمالىم ەتتى، دەپ حابارلايدى قازاقپارات حابار 24 تەلەارناسىنا سىلتەمە جاساپ.

 4,5 ميلليون ەۋروپالىق قاتىسقان ساۋالناما ناتيجەسى بويىنشا، حالىقتىڭ 84 پايىزى ساعات ءتىلىن اۋىستىرۋعا قارسى. بۇل شەشىم وسى جىلدىڭ سوڭىنا دەيىن ناقتى قابىلدانىپ، كەيىن ونى ەۋروپارلامەنت پەن ەۋروكوميسسيا ماقۇلداۋى ءتيىس. «الايدا پروتسەسس ەكى جىلعا دەيىن سوزىلۋى مۇمكىن»، - دەيدى ماماندار.

ەستەرىڭىزگە سالا كەتەيىك، ەۋرووداق ەلدەرى 1996 -جىلدان بەرى جازعى جانە قىسقى ۋاقىتقا كوشىپ وتىرعان. سودان بەرى ۋاقىتتىڭ 60 مينۋت ارتقا نە العا جىلجۋى ادام دەنساۋلىعى مەن ەكونوميكاعا كەرى اسەرىن تيگىزەدى دەگەن داۋ- دامايلار باسىلار ەمەس.

«جازعى جانە قىسقى ۋاقىتقا كوشۋدى توقتاتۋ كەرەك. بۇل ءىس ەۋروكوميسسيانىڭ قۇزىرەتىندە. ەۋرووداق ەلدەرىنىڭ مۇشەلەرى ماسەلەنى شەشۋ كەرەك. ءبىز نە جازعى ۋاقىتتا قالامىز، نە بولماسا تاعى ءبىر رەت قىسقى ۋاقىتقا كوشىپ، 2019 -جىلدان باستاپ ۋاقىتتى وزگەرتپەيمىز»، - دەدى ەۋرووداقتىڭ كولىك كوميسسارى ۆيولەتا بۋلك.

 

 

 

سوڭعى جاڭالىقتار