ب ۇ ۇ د ب قازاقستاندى دامۋ دەڭگەيى ەڭ جوعارى ەلدەردىڭ قاتارىنا قوستى

 قازاقپارات - نورۆەگيا، شۆەيتساريا، اۋستراليا، يرلانديا مەن گەرمانيا - ەلدەرى الەمدەگى ادامي كاپيتالى ەڭ جوعارى دەڭگەيدە دامىعان مەملەكەتتەردىڭ وسى بەستىك كوشىن باستايدى.

اتالمىش رەيتينگتە ا ق ش 13- ءشى، ال رەسەي 49- ورىندا تۇر. بۇل تۋرالى ب ۇ ۇ دامۋ باعدارلاماسىنىڭ (ب ۇ ۇ د ب) ادام الەۋەتى تۋرالى بايانداماسىندا جاريا ەتىلدى. بايانداما بۇگىن نيۋ- يوركتەگى ب ۇ ۇ شتاب- پاتەرىندە تانىستىرىلدى، دەپ حابارلايدى قازاقپارات ب ۇ ۇ سايتىنا سىلتەمە جاساپ.

اتالمىش قۇجاتتا 189 مەملەكەت بويىنشا رەيتينگ جاسالعان. مەملەكەتتەردىڭ رەيتينگىنىڭ نەگىزگى ولشەمى - ءومىر ءسۇرۋ ۇزاقتىلىعى، وقىتۋدى جالعاستىرۋ جانە جان باسىنا شاققانداعى ىشكى ۇلتتىق تابىس بولعان. سونىمەن بىرگە، الەۋمەتتىك قورعالۋ دەڭگەيى، دەنساۋلىق بويىنشا كورسەتكىش جانە حالىقتىڭ مادەني دامۋى، گەندەرلىك تەڭدىگى، قىلمىس كورسەتكىشى، قورشاعان ورتانى قورعاۋ، ازاماتتاردىڭ ماڭىزدى شەشىم قابىلداۋداعى ءرولى ەسەپكە الىنعان.

 وسى جىلى ادامي كاپيتالدىڭ دامۋى تۇرعىسىنان ەڭ جوعارى باعاعا يە بولعان توپتىڭ ىشىنە 59 مەملەكەت ەندى. ولاردىڭ قاتارىندا رەسەي 49 - ورىننان كورىنسە، بەلارۋس 53، ال قازاقستان 58- ورىنعا تۇراقتاعان. 2012-2017 -جىلدار ارالىعىندا رەيتينگتەگى باسىم ءوسىمدى يرلانديا كورسەتكەن. ول 13 ورىنعا كوتەرىلسە، رەيتينگتە كورسەتكىشى جاقسارعان ەلدەردىڭ قاتارىنا سونداي- اق تۇركيا، دومينيكان رەسپۋبليكاسى مەن بوتسۆانا ەنگەن.

گرۋزيا ادامي كاپيتالدىڭ دامۋ رەيتينگىندە 70- ورىننان كورىنىپ وتىر. سول سەكىلدى ازەربايجان 80، ارمەنيا 83، ۋكراينا 88، وزبەكستان 105، تۇرىكمەنستان 108- ورىنعا جايعاسقان. بۇل مەملەكەتتەر دامۋدىڭ جوعارى دەڭگەيىنە يە مەملەكەتتەر سانالادى. ال مولدوۆا مەن تاجىكستان دامۋى ورتاشا ەلدەردىڭ ىشىنەن كورىنسە، نيگەر، ورتالىق افريكالىق رەسپۋبليكا، وڭتۇستىك سۋدان، چاد پەن بۋرۋندي اتالمىش رەيتينگتە سوڭعى ورىنداردا قالعان.

بايانداماعا سايكەس قازاقستاندا ورتاشا ءومىر ءسۇرۋ ۇزاقتىعى 70 جاس بولسا، بەلارۋس پەن گرۋزيادا 73 جاس، ازەربايجان مەن ۋكراينادا 72 جاستان ءسال جوعارى بولسا، رەسەيدە 71 جاس. ءبىلىم تۋرالى ايتار بولساق، پوستكەڭەستىك ەلدەردە ورتاشا ەسەپپەن 12-15 جىل وقۋ وقيدى. ال نورۆەگيالىق جاسوسپىرىمدەر مەن جاستار 18 جىلعا دەيىن وقيتىن بولىپ شىقتى. ال وڭتۇستىك سۋداندا بۇل كورسەتكىش تەك بەس جىل عانا بولىپ شىقتى.

«ورتاشا ەسەپپەن ادامي كاپيتالىنىڭ دامۋى تومەن دەڭگەيلى مەملەكەتتەردە ادام 60 جاس ءومىر سۇرەدى. ال دامۋى ەڭ جوعارعى مەملەكەتتە ادامدار 80 جاسقا دەيىن ءومىر سۇرەدى. سول سەكىلدى داۋلەتتى ەلدەردەن قاراعاندا دامۋى باياۋ ەلدەردە بالا بار بولعانى ورتاشا ەسەپپەن 7 جىل عانا ءبىلىم الادى»، - دەيدى ب ۇ ۇ د ب اكىمشىسى احيم شتاينەر.