+7 (701) 759 90 19 Лента
-4 °С : استانا
-2 °С : الماتى
USD 367.06 EUR 416.17
RUB 5.56 CNY 52.84
جاڭالىقتار

قانات يسلامنىڭ ەكس- قارسىلاسى ءسۇرىندى

16 قىركۇيەك 09:54 578
:ءبولىسۋ
قانات يسلامنىڭ ەكس- قارسىلاسى ءسۇرىندى

استانا. قازاقپارات - قازاقستاندىق كاسىپقوي بوكسشى قانات يسلامنىڭ بۇرىنعى قارسىلاسى كانادالىق بوكسشى برەندون كۋك لاس ۆەگاستاعى T-Mobile Arena-دا گەننادي گولوۆكين مەن ساۋل الۆارەس ايقاسىنىڭ اندەركارتىندا جەكپە- جەككە شىقتى، دەپ حابارلايدى قازاقپارات ءتىلشىسى.

كانادالىق بوكسشى حايمە مۋنگيامەن كەزدەستى. بار- جوعى 22 جاستاعى مەكسيكالىق بۇل كۇندە تانىمال بوكسشى بولىپ قالعان. ءا دەگەندە اۋىر سوققىلارىمەن كۋكتى ساستىرىپ العاشقى راۋندتا باسىم ءتۇستى. قارسىلاستىڭ قارىم- قابىلەتىن سەزگەن كانادالىق ەكىنشى راۋندتا قيمىلىن شيراتا تۇسكەن. الايدا مۋنگيا ورتا جانە الىس قاشىقتىقتا كانادالىقتى جولاتپاي بۇيىردەن اۋىر سوققىلاردى دارىتا ءبىلدى. ەكىنشى راۋندتىڭ سوڭعى سەكۋندتارىندا ءتىپتى مۋنگيا قارسىلاسىن قۇلاتاتىنداي كورىنگەن. الايدا بۇل جولى دا كۋكتى گونگ قۇتقاردى. ءۇشىنشى راۋندتا كۋك نوگداۋنعا ءتۇستى. ءدال وسىنداي تاعى ءبىر- ەكى شابۋىل ايقاسقا نۇكتە قويىپ، مەكسيكالىق ءوز اتاقتارىن ابىرويمەن قورعاپ قالدى.

اتالمىش جەكپە- جەكتەن مۋنگيا 250 مىڭ ا ق ش دوللارىن، ال كۋك 30 مىڭ ا ق ش دوللارىن تاپتى.

 ەسكە سالا كەتسەك، بىلتىر 9 - قىركۇيەكتە استانادا وتكەن بوكس كەشى اياسىندا قازاقستاندىق قانات يسلام (24-0, 19 ك و) ءدال وسى كانادالىق برەندون كۋكتى (18-0, 11 ك و) جەڭىپ، ءوز اتاقتارىن قورعاپ قالعان بولاتىن. «سارى ارقا» سپورت كەشەنىندە وتكەن كەشتە «قازاق» كانادالىق «جامان بالانى» 9-راۋندتا تىزە بۇكتىرگەن ەدى.

 فوتو: insidehboboxing.com

 


باستى سوزدەر: سپورت,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات