09:12, 16 - قىركۇيەك 2018 | GMT +6
شوتلانديادا ەڭ ءىرى ديزاين مۋزەيى اشىلدى
استانا. قازاقپارات- شوتلانديانىڭ داندي قالاسىندا ەڭ ءىرى ديزاين مۋزەيى اشىلدى. بۇل «ۆيكتوريا جانە البەرت» مۇراجايىنىڭ فيليالى. ونى سالعان جاپون ارحيتەكتورى كەنگو كۋما.
نىسان ەكى كەمە پىشىنىندە بوي كوتەرگەن. جەرگىلىكتى بيلىك تاريحى ۇمىتىلىپ بارا جاتقان كونە قالانى جانداندىرۋ ماقساتىندا وسىنداي مۇراجاي اشقان. ونى سالۋعا 80 ميلليون فۋنت كەتىپتى. بۇل جوسپارلانعان سومادان ەكى ەسەگە ارتىق شىعىپ وتىر.
قازىر ىشىندە 12 مىڭ ەكسپونات، XV عاسىرعا تيەسىلى كىتاپتار مەن ماتالار بار. سونىمەن قاتار ايگىلى اكتەرلاردىڭ فيلمدە كيگەن كوستيۋمدەرى قويىلعان. داندي قالاسى مەرى ەندى شاھارعا جىلىنا جارتى ميلليون تۋريست كەلەدى دەگەن ويدا. الايدا جەرگىلىكتى تۇرعىندار «عيماراتتى تۇرعىزۋعا تىم كوپ قاراجات بولىنگەن» دەيدى.
www.24.kz