06:07, 16 - قىركۇيەك 2018 | GMT +6
يتاليادا ريم يمپەرياسى زامانىنا تيەسىلى التىن تەڭگەگە تولى قۇمىرا تابىلدى
يتاليانىڭ سولتۇستىگىندەگى كومو قالاسىندا كەرەمەت ولجا تابىلدى. قۇرىلىس جۇمىستارىنىڭ بارىسىندا ريم يمپەرياسى زامانىنا تيەسىلى التىن تەڭگەگە تولى قۇمىرا شىقتى.
ءبىر مەتر تەرەڭدىكتە تابىلعان كونە ىدىستا 300-گە تارتا التىن اقشا بولعان. ءمالىم بولعانداي، قۇمىرا ءبىر جارىم عاسىرعا جۋىق جەر استىندا ساقتالعان.
قازۋ جۇمىستارى كەزىندە كونە ىدىس ءسال بۇلىنگەن كورىنەدى. ونىڭ سىنعان جەرىنەن 37 تەڭگە الىنىپ، زەرتحاناعا تاپسىرىلدى. كومبەنىڭ قالعان بولىگى دە ءتيىستى ساراپتاماعا جىبەرىلدى. قۇمىرادان بولەك، قازىلعان جەردەن ءۇش ءتۇرلى زات تابىلدى. ونىڭ ءبىرى التىن قۇيما. ارحەولوگتار قۇندى دۇنيەنىڭ ريم يمپەرياسىنىڭ داۋلەتتى ادامىنا تيەسىلى دەگەن بولجام جاسادى. التىن تابىلعان جەردە قۇرىلىس توقتاتىلعان. ەندى وندا ارحەولوگتار قازبا جۇمىستارىن جۇرگىزبەكشى. بولجام بويىنشا التىن كومبەنىڭ قۇنى ميلليونداعان ەۋرونى قۇرايدى.