+7 (701) 759 90 19 Лента
14 °С : استانا
25 °С : الماتى
USD 352.54 EUR 415.15
RUB 5.31 CNY 51.53
جاڭالىقتار

قازاقستان ەلشىسى يسپانيا كورولىنە سەنىم گراموتاسىن تاپسىردى

15 قىركۇيەك 16:36 166
:ءبولىسۋ
قازاقستان ەلشىسى يسپانيا كورولىنە سەنىم گراموتاسىن تاپسىردى

استانا. قازاقپارات - قازاقستاننىڭ يسپانياداعى ەلشىسى كونستانتين جيگالوۆ كورول VI فەليپەگە سەنىم گراموتاسىن تاپسىردى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

قازاقستان ەلشىسى پرەزيدەنت نۇرسۇلتان نازاربايەۆتىڭ سالەمىن يسپاندىق مونارح پەن ونىڭ اكەسى كورول I حۋان كارلوسقا جولداپ، ەلباسىنىڭ تۋعان كۇنى مەن استانانىڭ 20 جىلدىعىنا وراي جىلى قۇتتىقتاۋى ءۇشىن مەملەكەت باسشىسى اتىنان كورول VI فەليپەگە تاعى دا العىس ءبىلدىردى.

ءوز كەزەگىندە، كورول ءوزىنىڭ قازاقستانعا ساپارى مەن «ەكسپو-2017» حالىقارالىق مامانداندىرىلعان كورمەنىڭ اشىلۋ سالتاناتىنا قاتىسۋىن جىلى لەبىزدەرمەن ەسكە الاتىنىن حابارلادى.


قازاقستان ەلشىسى يسپانيا كورولىنە سەنىم گراموتاسىن تاپسىردى

كەزدەسۋ بارىسىندا، وعان سىرتقى ىستەر، ەۋروپالىق وداق جانە ىنتىماقتاستىق ءمينيسترى جوزەپ بورەلل دە قاتىستى. تاراپتار ءبىرقاتار ەكىجاقتى ىنتىماقتاستىق پەن حالىقارالىق پروبلەمالاردىڭ وزەكتى ماسەلەلەرىن تالقىلاپ، 2009 -جىلى قول قويىلعان ستراتەگيالىق ارىپتەستىك جونىندەگى كەلىسىمنىڭ نەگىزىندە قالىپتاسقان دوستىق جانە سەرپىندى دامىپ كەلە جاتقان قازاقستان- يسپاندىق قاتىناستاردىڭ سيپاتىن اتاپ ءوتتى.

ساۋدا- ەكونوميكالىق بايلانىستاردىڭ دامۋىنا ەرەكشە كوڭىل ءبولىنىپ، اعىمداعى جىلعى 27 - قىركۇيەكتە كەزەكتى وتىرىستارى استانادا وتەتىن ەكونوميكا جانە ونەركاسىپ سالاسىنداعى ۇكىمەتارالىق كوميسسيا مەن ىسكەرلىك كەڭەس سياقتى قۇرىلىمداردىڭ ماڭىزدىلىعى باسا ايتىلدى.

كورول VI فەليپە ءبىزدىڭ ەلىمىزدىڭ حالىقارالىق ديپلوماتيا سالاسىنداعى جەمىستى جۇمىستارىن جوعارى باعالاپ، قازاقستاننىڭ ب ۇ ۇ قاۋىپسىزدىك كەڭەسىندەگى قىزمەتى مەن ءدىنارالىق ديالوگتى نىعايتۋ بويىنشا كۇش- جۇگەرىن ايرىقشا اتاپ ءوتتى. وسى رەتتە، مونارح قازاقستانعا الەمدىك جانە ءداستۇرلى دىندەر كوشباسشىلارىنىڭ VI سيەزىن استانادا تابىستى وتكىزۋىنە تىلەكتەستىگىن ءبىلدىردى.


:ءبولىسۋ
ونلاين قىزمەتكەرلەر
مۇراعات