باقىت سۇلتانوۆ استانادا سالىنىپ جاتقان ءىرى قۇرىلىس الاڭدارىن ارالادى
دەپ حابارلايدى استانا قالاسى اكىمدىگىنىڭ رەسمي سايتى.
بۇگىن استانا قالاسىنىڭ اكىمى باقىت سۇلتانوۆ پرەزيدەنتتىڭ تاپسىرماسى بويىنشا LRT قۇرىلىسىنىڭ ورىندالىپ جاتقانىن تەكسەرىپ شىقتى. ارالاۋ بارىسىندا ب. سۇلتانوۆ سالىنىپ جاتقان LRT كولىك جۇيەسىنىڭ ءبىرقاتار جاڭا ستانسيالارىندا بولدى. قازىرگى تاڭدا قۇرىلىسشىلار ينجەنەرلىك جەلىلەر مەن جەلى قادالارى مەن ارقالىقتارىن دايىنداۋدا. جوبانى ىسكە اسىرۋ بارىسى تۋرالى استانا قالاسىنىڭ اكىمىنە « LRT قۇرىلىسى جونىندەگى ديرەكسيا» ج ش س ديرەكتورى اديلشا ەرمۇحانوۆ باياندادى.
جوسپارعا سايكەس، ل ر ت اۋەجاي مەن جاڭا «نۇرلى جول» تەمىرجول ۆوكزالىن بايلانىستىرادى. ەستاكادانىڭ ۇزاقتىعى 22,4 ك م، قالا بويىنشا 18 ستانسيا جانە 19 بىرلىك جىلجىمالى قۇرام بولادى.
جالپى، قۇرىلىس- مونتاج جۇمىستارىنىڭ نەگىزگى جوباسى 2017 -جىلى مامىر ايىندا قىتاي كومپانيالارى كاسىپورىندارىنىڭ كونسورتسيۋمى كۇشىمەن باستالعان.
قۇرىلىس نىسانىنىڭ جەلىلەرىندە شامامەن ەكى جارىم مىڭ جۇمىسشى جانە 155 بىرلىك اۋىر تەحنيكا جۇمىس جاساۋدا. سونىمەن قاتار، باقىت سۇلتانوۆ قۇراما تەمىربەتون ارقالىقتار شىعارۋ بويىنشا پوليگوندى، ەسىل وزەنى ارقىلى وتەتىن جاڭا كوپىرگە باردى.
نىسان ارالاۋ قورىتىندىسى بويىنشا ديرەكسيا كەڭسەسىندە كوشپەلى وتىرىس وتكىزىلىپ، وندا استانا اكىمى «ل ر ت قۇرىلىسى جوباسىن كورسەتىلگەن مەرزىمدە اياقتاۋدى قامتاماسىز ەتۋدى» تاپسىردى. سونداي- اق، ب. سۇلتانوۆقا مىڭجىلدىقتار اللەياسىنىڭ (الماتى اۋدانى) قۇرىلىسى بويىنشا ناقتى جوسپارلاردى تانىستىردى.