+7 (701) 759 90 19 Лента
18 °С : استانا
25 °С : الماتى
USD 369.36 EUR 431.30
RUB 5.45 CNY 53.80
جاڭالىقتار

مالىك مىرزالين استانا ماڭىنداعى ەلدىمەكەندەردى قالاي دامىتاتىنىن ايتتى

15 قىركۇيەك 14:10 281
:ءبولىسۋ
مالىك مىرزالين استانا ماڭىنداعى ەلدىمەكەندەردى قالاي دامىتاتىنىن ايتتى

كوكشەتاۋ. قازاقپارات - اقمولا وبلىستىق ءماسليحات دەپۋتاتتارىمەن وتكەن ەسەپتىك كەزدەسۋدە ايماق باسشىسى مالىك مىرزالين كوكشەتاۋ جانە استانا ماڭىنداعى ەلدىمەكەندەردى دامىتۋ تۋرالى جوسپارىمەن ءبولىستى، دەپ حابارلايدى قازاقپارات ءتىلشىسى.

«نەگىزگى جۇمىس وبلىس ورتالىعىن قالپىنا كەلتىرۋ جانە ينفراقۇرىلىم قۇرىلىسى بويىنشا جۇرگىزىلۋدە. ۇستىمىزدەگى جىلى كوكشەتاۋدا جول ايرىعىنىڭ قۇرىلىسى باستالدى. بۇل قالا كوشەلەرىندەگى جۇكتەمەنى ازايتادى. بۇگىنگى تاڭدا 73 تۇرعىن ءۇي اۋلاسىندا جوندەۋ جۇمىستارى جۇرگىزىلۋدە. بۇعان قوسا، 28 ويىن الاڭى ورناتىلدى، 15 سپورت الاڭىن سالۋ جوسپاردا بار»، - دەپ اتاپ ءوتتى م. مىرزالين.

 سونىمەن قاتار، ايماق باسشىسى وبلىس ورتالىعىنداعى ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ ماڭىندا جاڭا اللەيا جانە ستانتسيوننىي كەنتىندە سكۆەر سالىناتىنىن اتاپ ءوتتى. تۇرعىن ءۇي سەكتورى دا دامۋ ۇستىندە. «سارى ارقا»، «يۋبيلەينىي» شاعىن اۋداندارى جانە قالانىڭ ورتالىعى اباتتاندىرىلىپ جاتىر.

استانا قالاسىنىڭ ماڭىنداعى ەلدىمەكەندەردى دامىتۋ ماسەلەسىنە ەرەكشە كوڭىل ءبولىنىپ وتىر. بيىل 28 ەلدىمەكەندى دامىتۋ ءۇشىن بولىنگەن قارجىنىڭ كولەمى 1,7 ەسەگە ارتتى.

«ەلوردانىڭ ىرگەسىندە ەلدىمەكەندەر كەزەڭ كەزەڭىمەن ورتالىقتاندىرىلعان سۋمەن قامتاماسىز ەتىلۋدە جانە ەلەكترمەن جابدىقتاۋدىڭ جاڭا جەلىلەرى سالىنىپ جاتىر. سونداي- اق، ءۇي اۋلالارى مەن كوشەلەرى جوندەلۋدە»، - دەپ تولىقتىردى ايماق باسشىسى.

اۆتور: اسلان وسپانوۆ


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات