12:50, 15 - قىركۇيەك 2018 | GMT +6
قازاقستاندا ۇشاتىن اپپاراتتارعا باقىلاۋ كۇشەيتىلمەك
استانا. قازاقپارات - ق ر ي د م ازاماتتىق اۆياتسيا كوميتەتى ۇشاتىن اپپاراتتارعا باقىلاۋدى كۇشەيتپەك، دەپ حابارلايدى قازاقپارات ءتىلشىسى.
«ق ر ي د م ازاماتتىق اۆياتسيا كوميتەتى ۇشاتىن اپپاراتتارعا باقىلاۋ جانە قاداعالاۋ قىزمەتىنىڭ تيىمدىلىگىن ارتتىرۋ ءۇشىن بريتاندىق مودەلدى ەنگىزۋ بويىنشا جۇمىستار جۇرگىزىپ كەلەدى. وسى جۇمىستاردىڭ اياسىندا اۋە كەڭىستىگىندە پيلوتسىز اۋە اپپاراتتارىن پايدالانۋدى رەتتەۋ ءۇشىن جاڭا ءتيىمدى تاسىلدەر ازىرلەنەتىن بولادى»، - دەلىنگەن ۆەدومستۆونىڭ فەيسبۋكتەگى رەسمي پاراقشاسىندا جاريالانعان حابارلامادا.
مىسال رەتىندە اۋەدە بەينەتۇسىرىلىم جاساپ جۇرگەن قۇرىلعىنىڭ مي-2 تىكۇشاعىنىڭ قاسىنان ءوتىپ بارا جاتىپ، قاۋىپتى جاعداي تۋدىرعانى بەينەلەنگەن ۆيدەو كەلتىرىلگەن.