وڭتۇستىك كورەيا مەن ك ح د ر اراسىنداعى ءۇشىنشى سامميت كەلەسى اپتادا وتەدى

استانا. قازاقپارات - كەلەسى اپتادا وڭتۇستىك كورەيا پرەزيدەنتى مۋن چجە ين سولتۇستىك كورەيالىق كوشباسشى كيم چەن ىنمەن ءۇشىنشى ەكىجاقتى سامميتكە قاتىسۋ ءۇشىن سولتۇستىك كورەياعا بارادى، دەپ حابارلايدى قازاقپارات رينحاپقا سىلتەمە جاساپ.

«پرەزيدەنت مۋن مەن وڭتۇستىك كورەيا دەلەگاتسياسى تىكە باتىس اۋە باعدارىن قولدانا وتىرىپ، پحەنيانعا بارادى»، - دەپ ءمالىم ەتتى وڭتۇستىك كورەيا پرەزيدەنتى اكىمشىلىگىنىڭ وكىلى.

وڭتۇستىك كورەيا كوشباسشىسى ءۇشىن قوزعالىس قۇرالى جۇما كۇنى پحانمۋندجوم شەكارالىق اۋىلىندا وتكەن جۇمىس دەڭگەيىندەگى كەزدەسۋدە كەلىسىلدى. كەلىسسوزدەرگە سەۋل مەن پحەنيان رەسمي تۇلعالارى قاتىستى.

ساپاردى ۇيىمداستىرىپ جاتقان تاعى ءبىر وڭتۇستىك كورەيا دەلەگاتسياسى جەكسەنبى كۇنى پحەنيانعا بارادى دەپ كۇتىلۋدە.