+7 (701) 759 90 19 Лента
-5 °С : استانا
0 °С : الماتى
USD 364.95 EUR 416.99
RUB 5.55 CNY 52.58
جاڭالىقتار

ۇكىمەت باسشىسى پاۆلودارداعى دەنساۋلىق ساقتاۋ سالاسىنىڭ جاي-كۇيىمەن تانىستى

14 قىركۇيەك 22:23 445
:ءبولىسۋ
ۇكىمەت باسشىسى پاۆلودارداعى دەنساۋلىق ساقتاۋ سالاسىنىڭ جاي-كۇيىمەن تانىستى

استانا. قازاقپارات - بۇگىن پاۆلودار وبلىسىنا جاساعان جۇمىس ساپارى اياسىندا ق ر پرەمەر-ءمينيسترى باقىتجان ساعىنتايەۆ مەديتسينالىق جەدەل جاردەم ستانسياسىنا بارىپ، ماماندارمەن مەديتسينالىق قىزمەت كورسەتۋ ساپاسىن ارتتىرۋ جايىن تالقىلادى، دەپ حابارلايدى primeminister.kz.

باقىتجان ساعىنتايەۆ مەديتسينا نىسانى جۇمىسى نەگىزىندە وڭىردەگى دەنساۋلىق ساقتاۋ سالاسىنىڭ تسيفرلاندىرۋ بارىسىمەن تانىستى. جەدەل جاردەم بريگادالارىنىڭ جۇمىسىن ۇيلەستىرۋگە كومەكتەسەتىن مەديتسينالىق قۇرىلعىلاردى قاراپ شىقتى. بۇگىندە مەديتسينا ۇيىمىنا 12 جوبا ەنگىزىلگەن.

ولاردىڭ ىشىندە باسقارۋ مەن جۇمىس ورنىنىڭ اۆتوماتتاندىرىلعان جۇيەسى، ەلەكتروندى مەديتسينالىق كارتا، ناۆيگاتسيالىق جۇيە، ناۋقاسقا تەزىرەك جەتۋ ءۇشىن بريگادالاردى بارلاۋ، ە ك گ- نى قاشىقتان ءوتۋ سىندى ىڭعايلى جاڭاشىلىق بار. سونىمەن قاتار، ارنايى تەلەمەديتسينا مەن ينتەراكتيۆتىك وقۋ ورتالىعى جۇمىس ىستەيدى. مەكەمەدە ادام ومىرىنە اراشا ءتۇسىپ جۇرگەن 1044 قىزمەتكەر بيىلعى سەگىز اي ىشىندە 177 مىڭ شاقىرتۋعا شىققان.

 
ۇكىمەت باسشىسى پاۆلودارداعى دەنساۋلىق ساقتاۋ سالاسىنىڭ جاي-كۇيىمەن تانىستى

مەديتسينالىق جەدەل جاردەم مەكەمەسىنىڭ جۇمىسىمەن تانىسقان سوڭ، ب. ساعىنتايەۆ وبلىستىڭ مەديتسينا سالاسى قىزمەتكەرلەرىمەن كورسەتىلەتىن قىزمەتتىڭ ساپاسىن ارتتىرۋ جايىندا كەڭەس وتكىزدى. اسىرەسە، دارىمەن قامتاماسىز ەتۋ، ولاردىڭ باعاسى مەن مەديتسينا ينفراقۇرىلىمى جانە ماماندار بىلىكتىلىگى قىزۋ تالقىلاندى. بالا مەن انا دەنساۋلىعىن قورعاۋ تاقىرىبىنا ەرەكشە كوڭىل ءبولىندى.

 
ۇكىمەت باسشىسى پاۆلودارداعى دەنساۋلىق ساقتاۋ سالاسىنىڭ جاي-كۇيىمەن تانىستى

دەنساۋلىق ساقتاۋ سالاسىن دامىتۋ اياسىندا قولعا الىنىپ جاتقان شارالار تۋرالى وبلىستىق دەنساۋلىق ساقتاۋ باسقارماسىنىڭ باسشىسى و. مۇقاشەۆ بايانداپ بەردى. كەزدەسۋ قاتىسۋشىلارى: باس دارىگەرلەر، جەدەل مەديتسينالىق كومەك قىزمەتكەرلەرى جانە وبلىستىڭ دەنساۋلىق ساقتاۋ سالاسىنداعى مەملەكەتتىك جانە جەكەمەنشىك مەكەمەلەرىنىڭ قىزمەتكەرلەرى ءوز سوزدەرىندە سالانىڭ وزەكتى ماسەلەلەرىن قوزعادى. پاۆلودار قالاسىنىڭ №5 -ەمحاناسىنىڭ دارىگەرى ا. نيزامۋتدينوۆا مەديتسينا قىزمەتكەرلەرىنىڭ ەڭبەك اقى ماسەلەسىن كوتەردى.

وبلىستىڭ جەدەل جاردەم ستانتسياسىنىڭ دارىگەرى ا. ەرمەك تراسسالىق مەديتسينالىق- قۇتقارۋ پۋنكتىلەرىنىڭ جۇمىسى تۋرالى ءسوز سويلەدى. پاۆلودار اۋدانى ەمحاناسىنىڭ دارىگەرى گ. قايىربايەۆا مەديتسينا كادرلارىمەن قامتاماسىز ەتۋ تۋرالى ايتتى. سيرەك كەزدەسەتىن اۋرۋلار كەزىندە ءدارى- دارمەكتەرمەن قامتاماسىز ەتۋ ماسەلەسىن پاۆلودار وبلىستىق كارديو ورتالىعىنىڭ كارديولوگى گ. مۇقانوۆا قوزعادى.

پاۆلودار وبلىستىق كارديولوگيالىق ورتالىعىنىڭ كارديوحيرۋرگى ا. انتيكەيەۆ جوعارى تەحنولوگيالىق مەديتسينالىق قىزمەتتەردى ۇسىنۋ تۋرالى ايتىپ ءوتتى. ال №1-ەمحانا دارىگەرى ا. يسەيەۆا ءوز سوزىندە دەنساۋلىق ساقتاۋ جۇيەسىن سيفرلاندىرۋ پروتسەسىنە توقتالىپ ءوتتى.

 
ۇكىمەت باسشىسى پاۆلودارداعى دەنساۋلىق ساقتاۋ سالاسىنىڭ جاي-كۇيىمەن تانىستى

قازىرگى تاڭدا پاۆلودار وبلىسىندا 118 مەديتسينالىق ۇيىم جۇمىس ىستەيدى، ونىڭ ىشىندە مەملەكەتتىك ۇيىمدار سانى - 42، جەكە مەنشىك نىسان ۇلەسى - %64,4 (76). 2017-2018 -جىلداردىڭ قورىتىندىسى بويىنشا م ج ءا، جەكەشەلەندىرۋ، سەنىمدى باسقارۋ تەتىكتەرى ارقىلى 7 مەديتسينالىق ۇيىم باسەكەلى ورتاعا بەرىلدى. وبلىستىڭ مەديتسينا ۇيىمدارىندا 8500-دەن استام ادام، ولاردىڭ ىشىندە 2200 دارىگەر جانە 6300 ورتا مەديتسينا قىزمەتكەرى جۇمىس ىستەيدى.

وسى جىلدىڭ باسىنان بەرى م ج ءا اياسىندا دەنساۋلىق ساقتاۋ نىساندارىن مەديتسينالىق جابدىقپەن جابدىقتاۋ جانە جاڭعىرتۋ ماقساتىندا ەكى جوبا جۇزەگە اسىرىلدى. ينۆەستيتسيالار كولەمى 800 ميلليون تەڭگەنى قۇرادى. جىل سوڭىنا دەيىن 1,1 ميلليارد تەڭگەگە ءتورت جوبا ىسكە اسىرىلادى. جەكە ينۆەستيتسيالاردىڭ كولەمى جىلىنا 1,9 ميلليارد تەڭگەنى قۇرايدى. وسىلايشا، 2017-2018 -جىلدارعا ارنالعان ينۆەستيتسيالار 4,1 ميلليارد تەڭگەنى قۇرايدى.

م ج ءا اياسىندا پاۆلودار قالاسىنىڭ №1 قالالىق اۋرۋحاناسىندا، ەكىباستۇز قالالىق اۋرۋحاناسىندا جانە ع. سۇلتانوۆ اتىنداعى وبلىستىق اۋرۋحانادا كومپيۋتەرلىك توموگرافتار ورناتىلدى. بۇل ينسۋلتكە ەرتەرەك دياگنوستيكا جاساۋعا جانە ونى ۋاقىتىلى ەمدەۋگە مۇمكىندىك بەردى، ال بۇنىڭ ناتيجەسىندە - ءولىم-ءجىتىم كورسەتكىشى %13 عا تومەندەدى. سيفرلاندىرۋدى ەنگىزۋ قۇجاتتامانى تولتىرۋ ۋاقىتىن قىسقارتۋعا، ەمدەلۋشىنى قاراۋ ۋاقىتىن ۇلعايتۋعا جانە العاشقى دياگنوستيكا ساپاسىن ارتتىرۋعا جول اشتى.

دارىگەرلەردىڭ قويعان سۇراقتارىنا پرەمەر- مينيستر ب. ساعىنتايەۆ، پرەمەر-ءمينيستردىڭ ورىنباسارى ا. جۇماعاليەۆ جانە دەنساۋلىق ساقتاۋ ءمينيسترى ە. ءبىرتانوۆ تۇسىنىكتەمە بەرىپ ءوتتى. كەزدەسۋدىڭ قورىتىندىسى بويىنشا باقىتجان ساعىنتايەۆ دەنساۋلىق ساقتاۋ ءمينيسترى ە. ءبىرتانوۆقا جانە وبلىس اكىمى ب. باقاۋوۆقا مەديتسينا قىزمەتكەرلەرىنىڭ بىلىكتىلىگىن جوعارىلاتۋ جانە ۇسىنىلاتىن مەديتسينالىق قىزمەتتەردىڭ ساپاسىن ارتتىرۋ بويىنشا ءبىرقاتار شارالار كەشەنىن ازىرلەۋدى تاپسىردى.

 
ۇكىمەت باسشىسى پاۆلودارداعى دەنساۋلىق ساقتاۋ سالاسىنىڭ جاي-كۇيىمەن تانىستى


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات