نۇرسۇلتان نازاربايەۆتىڭ تۇركياعا ساپارىنىڭ بەينەروليگى جاريالاندى

استانا. قازاقپارات - اقوردانىڭ ينستاگرام پاراقشاسىندا قازاقستان پرەزيدەنتى نۇرسۇلتان نازاربايەۆتىڭ تۇركيا رەسپۋبليكاسىنا رەسمي ساپارىنىڭ قورىتىندىسى بويىنشا بەينەروليك جاريالاندى، دەپ حابارلايدى قازاقپارات ءتىلشىسى.

شاعىن بەينەروليكتە پرەزيدەنتتىڭ تۇركياعا ساپارى، تۇركيا پرەزيدەنتى رەجەپ تاييپ ەردوعانمەن كەزدەسۋى كورسەتىلگەن.

ەسكە سالا كەتسەك، قازاقستان پرەزيدەنتى نۇرسۇلتان نازاربايەۆ كەشە انكاراعا رەسمي ساپارمەن بارعان بولاتىن. ساپار بارىسىندا ەلباسى نۇرسۇلتان نازاربايەۆ پەن تۇركيا پرەزيدەنتى رەجەپ تاييپ ەردوعان اراسىنداعى كەلىسسوزدەردەن كەيىن ەكى ەلدىڭ اراسىندا ءبىرقاتار قۇجاتقا قول قويىلعان ەدى.

قازاقستان پرەزيدەنتىن ەرەكشە قارسى العان تۇركيا پرەزيدەنتى رەجەپ تاييپ ەردوعان ەلباسىن «تۇركى الەمىنىڭ اقساقالى» دەپ اتادى.

ءوز كەزەگىندە نۇرسۇلتان نازاربايەۆ تۇركيانىڭ ساياسي تۇراقتىلىعى مەن تىنىشتىعى قازاقستان ءۇشىن ماڭىزدى ەكەنىن اتاپ وتكەن ەدى.

 

Посмотреть эту публикацию в Instagram

Нұрсұлтан Назарбаевтың Түркия Республикасына ресми сапарының қорытындысы бойынша бейнеролик Видеоролик по итогам официального визита Главы государства в Турецкую Республику

Публикация от AkordaPress (@akordapress) 14 Сен 2018 в 6:27 PDT