قاسىموۆ قازاقستاندا تراۆماتيكالىق قارۋعا نەلىكتەن تىيىم سالىنعانىن ءتۇسىندىردى
«بىرىنشىدەن، تراۆماتيكالىق قارۋ ءوزىنىڭ سيپاتى تۇرعىسىندا وتتى ءيىر ويىقتى مىلتىققا ۇقسايدى. ونى جاقىن ارادا قولدانعان جاعدايدا ناعىز ءيىر ويىقتى مىلتىقتان كوپ ايىرماشىلىعى جوق. قيىن جاعدايعا، ءتىپتى ولىمگە دەيىن اپارۋى مۇمكىن. ەكىنشىدەن، جاستار تراۆماتيكالىق قارۋدى كيكىلجىڭ كەزىندە ءجيى قولدانا باستادى. ۇشىنشىدەن، ونى جاسىرىپ الىپ ءجۇرۋ وتە وڭاي. كەز كەلگەن ادام ونى كەز كەلگەن جەردە قولدانا الادى. سوندىقتان، وسى ماسەلەنىڭ بارلىعىن زەرتتەي وتىرىپ، ءبىز وعان شەكتەۋ قويۋ ءجون دەپ تاپتىق. ناتيجە بىردەن كورىندى. ءبىزدىڭ تىيىمنان كەيىن تراۆماتيكالىق قارۋدىڭ قاتىسى بار قىلمىستار سانى 87 پايىزعا ازايدى»، - دەدى مينيستر و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، ت م د ەلدەرى ىشىندە تەك رەسەي مەن قىرعىز رەسپۋبليكاسىندا عانا ازاماتتارعا تراۆماتيكالىق قارۋ الىپ جۇرۋگە رۇقسات بەرىلگەن.
«ونىڭ ۇستىنە، رەسەيدە تىيىم سالۋ تۋرالى اڭگىمە قوزعالعانىمەن، كەيىن ول جاقتا تەك وتاندىق تراۆماتيكالىق قارۋلاردى الىپ جۇرۋگە رۇقسات بەردى. ونى قولدانۋعا جاپونيا، مالايزيا، اۆستريا، قىتاي ەلدەرىندە دە تىيىم سالىنعان. ەكىنشىدەن، گرۋزيا، ليتۆا، ەستونيا، فينليانديا سەكىلدى ەلدەردە تراۆماتيكالىق قارۋدى ۇستاپ جۇرمەي-اق (ياعني، ۇيىندە ۇستاپ)، ءوزىن-ءوزى قورعاۋ ماقساتىندا قولدانۋعا رۇقسات بەرىلگەن»، - دەدى مينيسترلىك باسشىسى.
قالمۇحانبەت قاسىموۆ سونىمەن بىرگە، جاڭا زەلانديا، يزرايل، ا ق ش، ارگەنتينا سەكىلدى ەلدەردە زاڭدى تۇردە قىسقا وقپاندى، ءيىر ويىقتى، تراۆماتيكالىق قارۋدى ۇستاۋعا رۇقسات بەرىلگەنىن ايتتى.
«ءبىزدىڭ ويىمىزشا، تراۆماتيكالىق قارۋعا تىيىم سالۋ تۋرالى شەشىم دۇرىس. ونى ۇستاپ ءجۇرۋدىڭ ەش قاجەتى جوق»، - دەدى مينيستر.