قالمۇحانبەت قاسىموۆ تەراكت جاساعان كۇلىكبايەۆ تۋرالى: ول تۇزەلمەيدى

استانا. قازاقپارات - ىشكى ىستەر ءمينيسترى قالمۇحانبەت قاسىموۆ ەكى جىل بۇرىن الماتىدا تەراكت جاساعان رۋسلان كۇلىكبايەۆقا تۇرمەدە قاتاڭ باقىلاۋ جاسالعانىن ايتىپ بەردى، دەپ حابارلايدى قازاقپارات ءتىلشىسى.

«كۇلىكبايەۆ تۋرالى ايتارىم: ول قازىرگى ۋاقىتتا تۇرمەدە جازاسىن وتەپ جاتىر. كامەرادا. قاتاڭ باقىلاۋدا، البەتتە كامەراعا بەينەباقىلاۋ ورناتىلعان. ول ەكى مارتە ءوز وزىنە قول سالماق بولدى. ءوز وزىنە قول جۇمساماق بولعانىن كورگەن ءبىزدىڭ قىزمەتكەرلەرگە بىردەن ىشكە كىرىپ، ارەكەتىنىڭ الدىن الدى. ءبىز ونى تۇراقتى باقىلاۋدا ۇستايتىن بولامىز. ءوز وزىنە قول جۇمساۋ تۋرالى ويى بار ەكەنى تۇسىنىكتى. ول تۇزەلۋگە كەلمەيتىنىن ايتقىم كەلەدى. قولعا الىپ جاتقان جۇمىستاردىڭ شىنىن ايتقاندا ەشقانداي پسيحولوگيالىق اسەرى جوق. ول ءوزىنىڭ پىكىرىندە قالىپ وتىر. ول قاتاڭ باقىلاۋدا بولا بەرەدى»، - دەدى مينيستر  و ك ق- دا وتكەن باسپا ءسوز ءماسليحاتىندا.

 ەسكە سالا كەتسەك، 2016 -جىلدىڭ 2 - قاراشاسىندا الماتىدا تەراكت ۇيىمداستىرىپ، 10 ادامنىڭ ءومىرىن قيعان رۋسلان كۇلەكبايەۆقا جانە ونىڭ سىبايلاستارىنا قاتىستى سوت ۇكىمى شىققان بولاتىن.

اۆتور: ايان بەكەن ۇلى