قازاقستان پوليتسياسى گرۋزيا تاجىريبەسىن نەگە المايدى - قاسىموۆتىڭ جاۋابى

استانا. قازاقپارات - ىشكى ىستەر ءمينيسترى قالمۇحانبەت قاسىموۆ «قازاقستان پوليتسياسى گرۋزيانىڭ تاجىريبەسىن نەگە المايدى» دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.

 «ارينە، كوپ سۇراقتار بار. قىلمىستىق اتقارۋ جۇيەسى كوميتەتى بىزگە بەرىلگەلى دە بەس جىل ءوتىپ كەتتى. توتەنشە جاعدايلار كوميتەتىنىڭ دە بىزگە بەرىلگەنىنە ءۇش جىل بولدى. جۇمىس وتە كوپ. مەن ونى تۇسىنەمىن. ءبىراق، تاپسىرماعا بايلانىستى جۇمىستاردىڭ بارلىعىن اتقارىپ وتىرمىز. گرۋزيالىق ءادىس تۋرالى ايتايىق: ءبىز وندا باردىق. كوردىك. بىزدە ولاردىڭ قانداي جۇمىس اتقارعانى مەن ءبىزدىڭ قانداي جۇمىس اتقارعانىمىز تۋرالى كەستە بار. ەگەر قالاساڭىزدار، مەن ونى سىزگە كورسەتە الامىن»، - دەدى قاسىموۆ و ك ق- دا وتكەن باسپا ءسوز ءماسليحاتىندا سۇراق قويعان تىلشىگە.

قاسىموۆتىڭ ايتۋىنشا، قازىرگە دەيىن گرۋزيالىق تاجىريبەنىڭ ءبىرقاتارى قازاقستاندىق پوليتسيا قۇرىلىمدارىنا ەنگىزىلگەن.

«كوپ ماسەلەلەردى كەيبىر ادامدار كورمەي، نەگە گرۋزيالىق تاجىريبەنى ەنگىزبەيسىزدەر دەپ ايتادى. ەڭ ءبىرىنشى ولار نە ىستەدى؟ گرۋزيانىڭ اۋماعى مىنا اقمولا وبلىسىمەن عانا بىردەي. جەتى اۋداندا جەتى اۋداندىق بولىمدەردى سالدى. مينيسترلىكتى سالدى. تەلەكوممۋنيكاتسيا ءبارىن الىپ كەلدى دە، بارلىق پوليتسياعا كيىمدى بەردى. قىسقارتتى. ايلىقتارىن 500 ا ق ش دوللارىنان 2 مىڭ دوللارعا دەيىن كوتەردى. ءبىراق، بىلاي قاراعاندا ول جاقتا - 3,5 ميلليون ادامعا 82 مىڭ پوليتسەي بولعان. گرۋزيا ول كەزدە پوليتسيالىق مەملەكەت بولعان. سونى قىسقارتىپ، قازىر پوليتسيا قىزمەتكەرلەرىنىڭ سانىن 20 مىڭعا دەيىن جەتكىزىپ، ايلىقتارىن كوتەردى. ءبىز ونى قازىر ولاي ىستەي المايمىز»، - دەدى قالمۇحانبەت قاسىموۆ.

مينيستر گرۋزيالىق قۇقىق قورعاۋشىلار تۋرالى توقتالا كەلە، قازاقستاندىق پوليتسيا قىزمەتىندە قانداي جۇمىستار اتقارىلعانىن ايتىپ بەردى.

«ەڭ بىرىنشىدەن، ح ق و- لاردى ىستەدىك. ەكىنشىدەن، جول- پاترۋلدىك پوليتسيانى بىلايعى پوليتسيامەن قوسۋ تاجىريبەسىن سول جاقتان (گرۋزيادان) العانبىز. كولىكتەردىڭ كورىكتى نومىرلەرىن بەرۋ ءادىسىن دە گرۋزيادان كوردىك. سونىڭ كوبىسىن الدىق. ءبارىن ىستەگەنىمىزبەن، 4-5 ەۋىن شەشە الماي قالدىق. ءبىز ءبىر عيمارات تا سالعان جوقپىز، ءبىزدىڭ ايلىقتى كوتەرگەن جوق، بىزگە تەحنيكا دا بەرگەن جوق. بىزگە جاڭا فورما مەن راتسيالاردى بەرگەن جوق. ءبىراق، بۇل ماسەلەلەردى ءبىز ءوزىمىزدىڭ بيۋدجەتكە قاراپ شەشىپ جاتىرمىز»، - دەدى قالمۇحانبەت قاسىموۆ.

اۆتور: ايان بەكەن ۇلى