بىشكەكتەگى تۇركى كينوسى كۇندەرىندە قازاقستاندىق «ورالمان» فيلمى كورسەتىلەدى
كينو كۇندەرىنىڭ باعدارلاماسى كورەرمەندەردى بەيجاي قالدىرماعان قىرعىزدىڭ «تۋنكۋ كىرسىك» فيلمىنىڭ كورسەتىلىمىمەن باستالدى. قازاقستاندىق «ورالمان» فيلمى 15- قىركۇيەك كۇنى بىشكەكتە قازاق تىلىندە اعىلشىن سۋبتيترلەرىمەن كورسەتىلەتىن بولادى.
وتاندىق تۋىندى كوپتەگەن الەمدىك فەستيۆالدەردە جوعارى باعاعا يە بولىپ، قازاقستاندىق كورەرمەننىڭ كوڭىلىنەن شىعىپ ۇلگەردى.
«قازاق فيلمنىڭ» انيماتسيالىق ءبولىمىنىڭ ديرەكتورى اداي ابەلدينوۆتىڭ پىكىرىنشە، فيلم قىرعىز قاۋىمىنىڭ دا قىزىعۋشىلىعىن تۋدىرۋى ابدەن مۇمكىن.
تۇركى كينوسى كۇندەرى تۇركى تىلدەس ەلدەر پارلامەنتتىك اسسامبلەياسى كوميسسياسىنىڭ «كينو جانە انيماتسيا - تۇركى تىلدەس ەلدەردەگى مادەني مۇرانىڭ بولىگى ىسپەتتەس» تاقىرىبىنداعى الەۋمەتتىك، مادەني جانە گۋمانيتارلىق ماسەلەلەرگە ارنالعان 6-وتىرىس اياسىندا ءوتىپ جاتقان شارالاردىڭ ءبىر عانا بولىگى. ولار ەرتەڭ قىرعىزستاننىڭ استاناسىندا جالعاسىن تاباتىن بولادى.
كەڭەس وتىرىسىنا قازاقستان، ازەربايجان، قىرعىزستان جانە تۇركيا ەلدەرىنىڭ دەلەگاتسيالارى، سونداي-اق، تۇركيا مادەنيەت جانە تۋريزم مينيسترلىگىگىنىڭ، قىرعىزستان مادەنيەت مينيسترلىگىنىڭ، ۇلتتىق كينوستۋديالاردىڭ، ديپلوماتيالىق كورپۋس پەن وزگە دە ۇيىمداردىڭ وكىلدەرى قاتىسادى.
ءىس-شاراعا قازاقستاندىق تاراپتان پارلامەنتتىك دەلەگاتسيا وكىلدەرى - دينار نۇكەتايەۆا، پارلامەنت سەناتىنىڭ دەپۋتاتى ءاليا ساپاروۆا، پارلامەنت ءماجىلىسىنىڭ دەپۋتاتى، سونداي-اق، «قازاق فيلمنىڭ» انيماتسيالىق ءبولىمىنىڭ ديرەكتورى اداي ابەلدينوۆ كەلدى.