قازاقستان مەن تۇركيا اسكەري سالاداعى قۇپيا اقپاراتتاردى ءوزارا قورعاۋعا كەلىستى
اتاپ ايتقاندا، ق ر اۋىل شارۋاشىلىعى ۆيتسە-ءمينيسترى ەرلان نىسانبايەۆ پەن تۇركيا اۋىل شارۋاشىلىعى جانە ورمان شارۋاشىلىعى ءمينيسترى بەكير پاكدەميرلى ق ر اۋىل شارۋاشىلىعى مينيسترلىگى مەن تۇركيا اۋىل جانە ورمان شارۋاشىلىعى مينيسترلىگى اراسىنداعى اۋىل شارۋاشىلىعى سالاسىنداعى ىنتىماقتاستىق جونىندە مەموراندۋمعا قول قويدى.
ال ق ر قورعانىس ءمينيسترى نۇرلان ەرمەكبايەۆ پەن تۇركيا ۇلتتىق قورعانىس ءمينيسترى ۋلۋسي اكار ەكى قۇجاتتى راسىمدەدى. ولار: قازاقستان رەسپۋبليكاسى ۇكىمەتى مەن تۇركيا رەسپۋبليكاسى ۇكىمەتى اراسىنداعى اسكەري ىنتىماقتاستىق تۋرالى جانە قازاقستان رەسپۋبليكاسى ۇكىمەتى مەن تۇركيا رەسپۋبليكاسى ۇكىمەتى اراسىنداعى اسكەري سالاداعى قۇپيا اقپاراتتى ءوزارا قورعاۋ تۋرالى كەلىسىمدەر.
مۇنان بولەك، ق ر مادەنيەت جانە سپورت ءمينيسترى ارىستانبەك مۇحامەدي ۇلى مەن تۇركيا مادەنيەت جانە تۋريزم ءمينيسترى مەحمەد ەرسوي قازاقستان رەسپۋبليكاسى ۇكىمەتى مەن تۇركيا رەسپۋبليكاسى ۇكىمەتى اراسىنداعى مادەني ورتالىقتاردى قۇرۋ جانە ولاردىڭ قىزمەتى تۋرالى كەلىسىمگە قول قويدى.
ق ر ينۆەستيتسيالار جانە دامۋ ءمينيسترى جەڭىس قاسىمبەك پەن تۇركيا سىرتقى ىستەر ءمينيسترى ميەۆلۋت چاۆۋشوگلۋ «جاڭا سينەرگيا» بىرلەسكەن ەكونوميكالىق باعدارلاماسى جوسپارىن وزەكتەندىرۋ حاتتاماسىن راسىمدەدى.