سويلەۋدى ۇيرەنىپ العان ءيت جۇرتتى قايران قالدىردى

 استانا. قازاقپارات - جەلىدە يەسىنىڭ ايتقان سوزدەرىن قايتالاي الاتىن ءيتتىڭ ۆيدەوسى تاراپ كەتتى.

ءوز كەزەگىندە جاپونيادا تۇسىرىلگەن ۆيدەو كوپشىلىكتى قايران قالدىردى، دەپ جازادى Stan.kz.

جاپونياداعى بەني اتتى ءيت ەكى ءسوزدى ۇيرەنىپ العان.

ۆيدەو كادرلارىنان بايقالعانداي ول يەسى ايتقان «taberu» جانە «hanbagu» سوزدەرىن قايتالاۋعا تىرىسادى.

جاپون تىلىندەگى «taberu» ءسوزى «جەۋ» دەگەن ماعىنانى بىلدىرەدى. ال ««hanbagu» ءسوزى - گامبۋرگەر ماعىناسىندا. وسىلايشا ەكى ءسوزدى ۇيرەنىپ العان ءيت وزىنە تاماق سۇراي الادى.

جاپونيالىق ءيت الەۋمەتىك جەلىدە كەڭ تانىمالدىققا يە بولعان. ءتىپتى، ونىڭ Twitter جەلىسىندە ءوز پاراقشاسى بار.

ال اتالعان ۆيدەوسى بىرنەشە كۇن ىشىندە 150 مىڭنان اسا قارالىم جيناپتى.