اقتاۋدا كاسپي ماڭى ەلدەرىنىڭ تەاتر فەستيۆالى باستالدى
فەستيۆالدە تەاترلار كلاسسيكالىق جانە ۇلتتىق قويىلىمداردى ساحنالايدى.
بيىل ەكىنشى رەت ءوتىپ جاتقان بۇل حالىقارالىق فەستيۆال بەلگىلى قازاق اكتەرى نۇرمۇحان جانتوريننىڭ تۋعانىنا 90 جىل تولۋىنا وراي وتكىزىلىپ وتىر. نۇرمۇحان جانتورين اتىنداعى ماڭعىستاۋ وبلىستىق تەاترىنىڭ ديرەكتورى نۇرنياز مۇقانوۆتىڭ ايتۋىنشا، كەزەكتى فەستيۆالدى ۇيىمداستىرۋ باستاماسىن حالىقارالىق تۇركى مادەنيەتى ۇيىمى - تۇرىكسوي كوتەرگەن. ول جۋرناليستەرمەن كەزدەسۋدە بۇنىڭ «ەشقانداي جارىس ەمەس، تەك دوستىق نيەتتەگى فەستيۆال» ەكەنىن ايتتى.
حالىقارالىق تەاترلار فەستيۆالىن تاتارستاننىڭ سابىر امۋتبايەۆ اتىنداعى مەنزەلين مەملەكەتتىك تاتار دراما تەاترى گ. ءداۆيدتىڭ «ءىبىلىس» دراماسىمەن اشىلدى. بۇدان بولەك، يراننىڭ بيلەح ساۆار باربود تەاترى ا. سادەگيدىڭ «الىستاپ كەتتىڭ سەن مەنەن» ماحاببات تراگەدياسىن، تۇركىمەنستاننىڭ كەمينە اتىنداعى مارى مەملەكەتتىك تەاترى ە. اكمۋرادوۆتىڭ «ەسكەكسىز قايىقپەن ماحاببات مۇحيتىندا» دراماسىن، باشقۇرتستاننىڭ ۋفا مەملەكەتتىك «نۇر» تاتار تەاترى ر. شيممەلپفەننيگتىڭ «وتكەننەن كەلگەن ايەل» دراماسىن، ازەربايجان مەملەكەتتىك ۇلتتىق اكادەميالىق دراما تەاترى ا. مامەدوۆتىڭ «يۋدا» دراماسىن ساحناعا كورسەتەدى. قازاقستاندىق تەاتار ۇجىمدارى - عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى ماكسيم گوركيدىڭ «شىڭىراۋ» دراماسىن، ماڭعىستاۋ وبلىستىق مۋزىكالىق دراما تەتارى «كاليگۋلا» تراگەدياسىن، اقمولا وبلىستىق ورىس دراما تەتارى شىڭعىس ايتماتوۆتىڭ «جان پيدا» شىعارماسىن ساحنالاماق.
كاسپي ماڭى ەلدەرىنىڭ حالىقارالىق فەستيۆالى اقتاۋدا بىلتىر ءبىرىنشى رەت وتكەن. بيىلعى تەاترلار فەستيۆال قىركۇيەكتىڭ 16 سىنا دەيىن بولادى.
«ازاتتىق»