ەلباسى تۇرىك كومپانيالارىن قازاقستاندا بيزنەستەرىن دامىتۋعا شاقىردى

None
None
 انكارا. قازاقپارات - بۇگىن تۇركيانىڭ بيزنەس كاپيتاندارىمەن كەزدەسۋ بارىسىندا ەلباسى نۇرسۇلتان نازاربايەۆ ولاردى قازاقستاندا بيزنەستەرىن دامىتۋعا شاقىردى، دەپ حابارلايدى قازاقپارات ءتىلشىسى.

«ينۆەستيتسيالىق احۋالدى جاقسارتۋ بويىنشا كەشەندى جۇمىس جۇرگىزىپ كەلەمىز. كاسىپكەرلىكتى دامىتۋ ءۇشىن زاڭناماعا ءتيىستى وزگەرىستەر دە ەنگىزىلۋدە. دۇنيەجۇزىلىك بانكتىڭ «Doing business» رەيتينگىندە قازاقستان 190 ەلدىڭ ىشىندە 36-ورىنعا يە بولدى. قازاقستان ەكونوميكالىق ىنتىماقتاستىق جانە دامۋ ۇيىمى ينۆەستيتسيا كوميتەتىنىڭ مۇشەسى، حالىقارالىق ينۆەستيتسيالار تۋرالى دەكالاراتسياعا قوسىلدى» ، - دەپ اتاپ ءوتتى ەلباسى.

سونداي- اق نۇرسۇلتان نازاربايەۆ قازاقستان پرەزيدەنتى جانىنداعى شەتەلدىك ينۆەستورلار كەڭەسى 20 جىلدان بەرى ءتيىمدى جۇمىس ىستەپ كەلە جاتقانىنا توقتالدى. اتالعان كەڭەسكە دۇنيەنىڭ ەڭ ۇلكەن كومپانيالارىنىڭ باسشىلارى كىرەدى.

 «مەنىمەن تىكەلەي كەزدەسۋدە ءبىز بارلىق ماسەلەلەردى شەشىپ وتىرامىز. «Anadolu group» جانە «Sembol Constraction» كومپانيالارىنىڭ باسشىلارى وسى كەڭەستىڭ مۇشەلەرى بولىپ تابىلادى. ينۆەستورلارمەن جانە بيزنەسپەن ءتيىمدى ءوزارا ارەكەتتەسۋ ماقساتىندا ISPAT تۇرىك اگەنتتىگىنە ۇقساس «قازاق ينۆەست» ۇلتتىق كومپانياسى قۇرىلدى. ماڭىزدى سالالاردا مەتاللۋرگيا، مۇناي وڭدەۋ، ماشينا جاساۋ، حيميا، ازىق- تۇلىك ءوندىرىسى، ينۆەستيتسيالىق جوبالاردى جۇزەگە اسىرۋ كەزىندە كورپوراتيۆتىك جەر جانە مۇلىك سالىقتارىنان بوساتۋ قاراستىرىلعان. مۇنداي جوبالار ءۇشىن شەتەلدىك جۇمىس كۇشىن تارتۋ كۆوتاسىز جانە ارنايى رۇقساتسىز جۇزەگە اسىرىلادى. جەر قويناۋىنا ليتسەنزيالاردى الۋ شارتتارىن جاساسۋ ءتارتىبى جەڭىلدەتىلدى» ، - دەدى قازاقستان پرەزيدەنتى.

مۇنان بولەك، مەملەكەت باسشىسى جاڭارتىلعان ەنەرگيا كوزدەرىن دامىتۋ ماقساتىندا اۋكتسيون ارقىلى ينۆەستورلارعا كەپىلدەندىرىلگەن off-take كەلىسىمشارتقا ينۆەستيتسيالىق جەڭىلدىكتەر قاراستىرىلعانىن ايتتى.

«قازاقستاندا 11 ارنايى ەكونوميكالىق 24 يندۋستريالىق ايماق جۇمىس ىستەيدى. ولاردىڭ قاتىسۋشىلارىنا سالىق جانە باسقا دا جەڭىلدىكتەردىڭ بارلىعى بەرىلگەن. تۇرىك كومپانيالارىن قازاقستاندا بيزنەستەرىن دامىتۋعا تاعى دا شاقىرامىز» ، - دەدى نۇرسۇلتان نازاربايەۆ.

ايتا كەتەيىك، قازاقستان پرەزيدەنتىمەن كەزدەسۋگە تۇركيا ەكونوميكاسىنىڭ 15 پايىزىن قۇرايتىن 25 كومپانيانىڭ باسشىلارى قاتىستى. اتالعان كومپانيالار اۋىل شارۋاشىلىعى، تاماق ونەركاسىبى، گەولوگيا جانە تاۋ- كەن ءوندىرۋ ونەركاسىبى، حيميا ونەركاسىبى، ماشينا جاساۋ، جەڭىل ونەركاسىپ، دەنساۋلىق ساقتاۋ جانە فارماتسيەۆتيكا سالالارىندا جۇمىس ىستەيدى.

سوڭعى جاڭالىقتار