قازاقستاننىڭ مەملەكەتتىك ەلتاڭباسى وزگەرتىلدى

None
None
استانا. قازاقپارات - 2018 -جىلعى 12 - قىركۇيەكتە ەتالون ورتالىعىندا ق ر  ي د م تەحنيكالىق رەتتەۋ جانە مەترولوگيا كوميتەتى باسشىسى ارمان شاققاليەۆتىڭ توراعالىعىمەن عىلىمي- تەحنيكالىق كوميسسيانىڭ وتىرىسى بولدى، دەپ حابارلايدى قازاقپارات كوميتەتتىڭ فەيسبۋكتەگى پاراقشاسىنا سىلتەمە جاساپ.

وعان مەملەكەتتىك ەلتاڭبانىڭ اۆتورى جانداربەك مالىبەكوۆ، «قازاقستان ستاندارتتاۋ جانە سەرتيفيكاتتاۋ ينستيتۋتى» ر م ك باسشىلىعى دا قاتىستى.

وتىرىستا «قازاقستان رەسپۋبليكاسىنىڭ مەملەكەتتىك ەلتاڭباسى. تەحنيكالىق شارتتار» ق ر  س ت 989-2014 ستاندارتىنا ەنگىزىلەتىن №1 وزگەرىستەردى ماقۇلداۋ تۋرالى شەشىم قابىلداندى.

وعان سايكەس، ۇلتتىق ستاندارتتىڭ بۇكىل ماتىنىندە «قازاقستان» ءسوزىن لاتىن گرافيكاسىمەن  «QAZAQSTAN» ەتىپ وزگەرتۋ، سونداي- اق ΔE تۇستەر دياپازونىن قولدانۋ تۋرالى وزگەرىستەر قابىلداندى.

بۇدان تىس، مەملەكەتتىك ەلتاڭبانىڭ ەلەمەنتتەرى مەن تاريحىن سيپاتتاۋعا ادىستەمەلىك قۇرالدارعا سىلتەمە، قازاقستان رەسپۋبليكاسى مەملەكەتتىك ەلتاڭباسىنىڭ اۆتورى جانداربەك مالىبەكوۆ جاساعان كونسترۋكتورلىق قۇجاتتاما قوسىلدى.

وزگەرىستەردى ەنگىزۋ ءۇشىن قازاقستان رەسپۋبليكاسى مەملەكەتتىك ەلتاڭباسىنىڭ اۆتورى جانە وندىرۋشىلەردىڭ قاتىسۋىمەن ءبىرقاتار وتىرىستار وتكىزىلدى.

ەسكە سالا كەتەيىك، وزگەرىستەردى پرەزيدەنت نۇرسۇلتان نازاربايەۆتىڭ «قازاق ءالىپبيىن كيريلليتسادان لاتىن گرافيكاسىنا كوشىرۋ تۋرالى» جارلىعىنا سايكەس، ارنايى جاساقتالعان جۇمىس توبى ازىرلەگەن.

سوڭعى جاڭالىقتار