رەسەيدەگى قازاقتار «ەگەمەن قازاقستانعا» جازىلۋعا مۇمكىندىك الدى

None
None
استانا. قازاقپارات - رەسەيدەگى قانداستارىمىز «ەگەمەن قازاقستان» گازەتىنە جازىلۋعا مۇمكىندىك الدى.  بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا اتالعان باسىلىمنىڭ باسقارما ءتوراعاسى دارحان قىدىرالى ايتتى، دەپ حابارلايدى قازاقپارات ءتىلشىسى.

«وزدەرىڭىزگە ءمالىم، ەلباسىمىزدىڭ دۇنيەجۇزى قازاقتارىنىڭ قۇرىلتايىندا شەتتەگى، اسىرەسە، شەكارالاس ەلدەردەگى قانداستارىمىزعا ۇلتتىق اقپارات قۇرالدارىمىزدىڭ تارالۋىن تاپسىرعان بولاتىن. وسىعان بايلانىستى، ءبىز ءبىرشاما جۇمىس اتقاردىق. سونىڭ ناتيجەسىندە رەسەيدە «ەگەمەن قازاقستان» گازەتىن تاراتۋ جونىندە رۇقسات ليسەنزيانى الدىق. باسپاسوزگە جازىلۋ بويىنشا كاتولوگقا ەندى. ەندى جاڭا جازىلۋ ماۋسىمىنان باستاپ رەسەيدەگى قانداستارىمىز «ەگەمەن قازاقستانعا» جازىلا الادى. بۇل - ءبىزدىڭ اقپارات كەڭىستىگىمىزدىڭ، قازاق ءتىلى كەڭىستىگىنىڭ ۇلعايۋى دەگەن ءسوز» ، - دەدى دارحان قىدىرالى.

ونىڭ ايتۋىنشا، رەسەيدەن بولەك موڭعوليادا، قىرعىزستاندا، وزبەكستاندا ەلىمىزدىڭ باس باسىلىمىن تاراتۋعا باعىتتالعان جۇمىستار جۇرگىزىلىپ جاتىر. وسى مەملەكەتتەردەگى ەلشىلىكتەرىمىزگە دە ارنايى حات جولدانعان.

Ресейдегі қазақтар «Егемен ҚазақстанÒ

«قازىر قىرعىزستاندا ءتىلشىمىز جۇمىس ىستەپ جاتىر. دۇنيەجۇزىلىك كوشپەلىلەر ويىنىنان كوپتەگەن اقپارات جىبەرگەنىن بىلەسىزدەر. ارناۋلى ءتىلشى دەگەننەن شىعادى، قازىر تۇركىستان وبلىسى ءبولىنىپ شىققاننان كەيىن شىمكەنتتە جانە تۇركىستان وبلىسىندا مەنشىكتى ءتىلشى قاراستىرىپ وتىرمىز. جاقىندا جۇمىسىنا كىرىسەدى. سول سياقتى ءبىزدىڭ ارناۋلى تىلشىلەرىمىز قازىر ەۋروپا ەلدەرىندە، ا ق ش- تا بار. ولار - ەگەمەندە قىزمەت اتقارعان، قازىر «بولاشاقپەن» وقىپ جاتقان جاستارىمىز» ، - دەدى گازەت باسشىسى.

سوڭعى جاڭالىقتار