ديماش قۇدايبەرگەن قىتايدا جاڭا مۋزىكالىق جوباعا قاتىسادى
Hunan TV- نىڭ ۆەيبو پاراقشاسىنداعى مالىمەتتەرگە سايكەس، «PhantaCity» مۋزىكالىق تەلەشوۋىنىڭ سەگىزىنشى كەزەڭى بويىنشا ءتۇسىرىلىم جۇمىستارى 15 - تامىزدا باستالعان. ول 14 - قىركۇيەكتە ەفيردەن كورسەتىلەدى.
وتانداسىمىز بۇل جوبادا «Restart My Love» ءانىن شىرقايدى.
ايتا كەتەيىك، «PhantaCity» - بۇل 12 كەزەڭنەن تۇراتىن مۋزىكالىق تەلەشوۋ. جوبانىڭ ءار كەزەڭىندە 4 ءانشى جانە كينو اكتەرى ورىنداۋشى رەتىندە شاقىرىلىپ، 32 كۇن دايىندىق جۇمىستارى جۇرگىزىلەدى.
ونەرپازدار 4 ءتۇسىرىلىم توبىمەن بىرگە 8 مينۋتتىق قىسقا مۋزىكالىق بەينەبايان جاسايدى. ءتۇسىرىلىم بارىسى كورەرمەندەرگە تىكەلەي ەكراننان كورسەتىلىپ، ءان جاندى داۋىستا ورىندالادى. ءانشى ءاندى ورىنداۋمەن قاتار، ستسەناريي بويىنشا اكتەرلىك شەبەرلىگىن كورسەتۋى ءتيىس. سونداي- اق، ءار ورىنداۋشى ءۇشىن تەك ءبىر رەت عانا ونەر كورسەتۋ مۇمكىندىگى بەرىلگەن.
