ەلوردانىڭ مەديتسينالىق مەكەمەلەرىنە مامان جەتپەي جاتىر
اسىرەسە، نيەۆروپاتولوگ، كارديولوگ جانە بالالار دارىگەرلەرىنىڭ تاپشىلىعى ەرەكشە بايقالىپ وتىر.
استانالىق اينۇر جۇرىنتايەۆا - ءتورت بالانىڭ اناسى. كەنجەسى ءبىر جاستان ەندى عانا اسقان. سوندىقتان اق حالاتتى مامانداردىڭ كومەگىنە ءجيى جۇگىنەدى. جالپىلاما سيپاتتاعى قىزمەتتى ۇيىنە جاقىن ورنالاسقان ەمحاناعا بارىپ الادى. ال سالالىق دارىگەردىڭ كەڭەسى كەرەك بولعاندا، وزگە اۋرۋحاناداعى ماماننىڭ قابىلداۋىنا جازىلۋىنا تۋرا كەلەدى. سەبەپ - كادر تاپشىلىعى.
اينۇر جۇرىنتايەۆا، قالا تۇرعىنى:
- ءبىز باسقا اۋرۋحاناعا بارامىز. سول اۋرۋحاناعا بارۋ ءۇشىن 2-3 جۇما، 1 اي بۇرىن جازىلامىز. جازىلعاننان كەيىن عانا دارىگەرگە كىرە الامىز. ەمدەۋ مەكەمەلەرىندەگى ۇزىن- سونار كەزەك تە، ءبىر دارىگەردىڭ ۇلەسىنە تيەتىن ناۋقاستىڭ سانى دا جاۋاپتى باسقارما وكىلدەرىنە ايان.
قوعامدىق دەنساۋلىق ساقتاۋ باسقارماسىنا جەتەكشىلىك ەتەتىندەر مامانداردىڭ جەتپەيتىنىن مويىنداپ وتىر. ەلوردانىڭ مەديتسينالىق مەكەمەلەرىندە ەمدەلەتىن ءاربىر بەسىنشى ادام وزگە ءوڭىردىڭ تۇرعىنى ەكەن. بۇل دا جەرگىلىكتى ماماندارعا سالماق تۇسىرەتىن كورىنەدى. «ال كادر تارتۋدىڭ ءتيىمدى جولى - ولاردى باسپانامەن قامتۋ»، - دەيدى باسقارما وكىلدەرى.
ءاليا رۇستەموۆا، استانا قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى:
- سەمەي، قاراعاندى جانە الماتىداعى مەملەكەتتىك مەديتسينالىق جوعارعى وقۋ ورىندارىمەن مەموراندۋمعا قول قويىلدى. قازىر باسپانا ماسەلەسىن شەشىپ جاتىرمىز. ازىرگە اكۋشەر- گينەكولوگ، انەستەزيولوگ، رەانيماتولوگتارعا 10 پاتەر قاراستىرىلعان. سونداي- اق كەلەسى جىلدىڭ سوڭىنا دەيىن 3 جاتاقحانا پايدالانۋعا بەرىلەدى.
جالپى قىزمەتتىك باسپانامەن قاتار ەلوردادا جاڭا مەديتسينالىق نىساندار اشىلادى. 2025 -جىلعا دەيىن استانادا 10 نان استام ەمحانا جانە وڭالتۋ ورتالىعى بوي كوتەرمەك. ولاردىڭ قۇرىلىسى ينۆەستورلاردىڭ ەسەبىنەن جۇزەگە اسادى دەپ جوسپارلانىپ وتىر.
www.24.kz