مەملەكەتتىك كىرىستەر كوميتەتى ايىپپۇل جايلى جالعان حابارلامالاردان ساق بولۋعا شاقىردى

استانا. قازاقپارات - قازىرگى كەزدە مەسسەندجەرلەر ارقىلى جەكە تۇلعالارعا سالىقتى ۋاقتىلى تولەمەگەنى ءۇشىن ايىپپۇل سالىناتىنى تۋرالى حابارلامالار تارالۋدا، دەپ حابارلايدى قازاقپارات ءتىلشىسى ق ر قارجى مينيسترلىگى مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.

«ق ر ق م مەملەكەتتىك كىرىستەر كوميتەتى تاراتىلىپ وتىرعان حابارلامالاردىڭ شىندىققا جاناسپايتىنىنىن ءمالىم ەتتى. ق ر ءا ق ب ج ق تۋرالى كودەكسىندە مۇلىك سالىعىن، جەر سالىعىن جانە كولىك سالىعىن ۋاقتىلى تولەمەگەنى ءۇشىن جەكە تۇلعالاردىڭ اكىمشىلىك جاۋاپكەرشىلىگى كوزدەلمەگەن. سالىقتاردى ۋاقتىلى تولەمەگەن جاعدايدا ايىپپۇلدىڭ الىناتىنى تۋرالى ەسكە سالامىز. سونىمەن قاتار، 2018 -جىلى جەكە تۇلعالاردىڭ مۇلىك سالىعىن، جەر سالىعىن تولەۋ مەرزىمى - 2019 -جىلعى 1 -قازانعا دەيىنگى ۋاقىت. وسى جىلى 2017 -جىلعا ەسەپتەلگەن سالىقتار بويىنشا تولەم جاساۋ قاجەت»، - دەلىنگەن حابارلامادا.

كوميتەت 2018 -جىلعى كولىك سالىعىن تولەۋدىڭ سوڭعى مەرزىمى - 2018 -جىلدىڭ 31 -جەلتوقسانى ەكەنىن ەسكە سالادى.

«سالىق بەرەشەكتەرى پايدا بولعان جاعدايدا كەلەسى شارالار قولدانىلاتىنى تۋرالى ەستەرىڭىزگە سالامىز. سالىق كودەكسىنىڭ 24-بابىنا سايكەس 2018 -جىلدىڭ 1 -شىلدەسىنەن باستاپ بانكتەر سالىقتىق بەرەشەگى، الەۋمەتتىك تولەمدەر بويىنشا بەرەشەگى بار سالىق تولەۋشىگە بانكتىك شوتتى اشۋدان باس تارتۋعا مىندەتتى. وسى نورما زاڭدى تۇلعالارعا جانە جەكە كاسىپكەرلەرگە، سونداي-اق جەكە تۇلعالارعا تارايدى. ەگەر بەرەشەك 1 ا ە ك (2405 تەڭگە) مولشەرىنەن اساتىن بولسا، حابارلاما تابىس ەتىلگەن كۇنىنەن 30 جۇمىس كۇن وتكەن سوڭ سالىقتىق بەرەشەكتى تولەمەگەن جاعدايدا سالىق ورگانى سالىقتىق بۇيرىق شىعارادى جانە ونى ورىنداۋ ءۇشىن سوت ورىنداۋشىعا جولدايدى»، - دەپ ەسكەرتەدى كوميتەتتىڭ باسپا ءسوز قىزمەتى.

بۇدان كەيىن سالىقتىق بەرەشەكتى ءوندىرىپ الۋ شارالارىن سوت ورىنداۋشى زاڭ شەڭبەرىندە جۇزەگە اسىرادى.

«ق ر- دان شىعۋىن ۋاقىتشا شەكتەۋ تۋرالى قاۋلى اتقارۋشىلىق قۇجاتتىڭ مازمۇنىندا 20 ا ە ك- تەن (48100 تەڭگەدەن) استام سوماداعى تالاپتاردى بورىشكەر ورىنداماعان كەزدە سوت ورىنداۋشىسىمەن شىعارىلادى. سوت ورىنداۋشىلارمەن قازاقستاننان شىعۋىن ۋاقىتشا شەكتەۋ تۋرالى قاۋلى شىعارىلعان بورىشكەرلەر ءتىزىمى ادىلەت مينيسترلىگىنىڭ سايتىندا ورنالاسادى. 2018 -جىلدىڭ 1 -قاڭتارىنان باستاپ جوعارعى سوتتىڭ ۇسىنىسى بويىنشا سالىق ورگاندارىنىڭ تالاپتارىنىڭ داۋسىزدىعىن ەسكەرە كەلە، سالىق ورگانىنىڭ جەكە تۇلعانىڭ مۇلكى ەسەبىنەن سالىق بەرەشەگى سوماسىن ءوندىرىپ الۋ تۋرالى سوت بۇيرىعىن شىعارۋ تۋرالى وتىنىشپەن نەمەسە تالاپ قويۋمەن سوتقا جۇگىنۋى الىنىپ تاستالعان. بۇل رەتتە سالىق تولەۋشىگە ءتيىستى حابارلاما جولدانادى، ال سالىق بەرەشەگىن وتەمەگەن جاعدايدا سوت ورىنداۋشىعا ماجبۇرلەپ ورىنداۋ ءۇشىن تابىس ەتىلەتىن سالىق بۇيرىعى شىعارىلادى»، - دەلىنگەن حابارلامادا.