17:14, 11 - قىركۇيەك 2018 | GMT +6
استانادا قوقىس ساتىپ الاتىن دۇڭگىرشەك اشىلدى
استانا. قازاقپارات - استانادا قوقىستى سۇرىپتاپ وتكىزگەن تۇرعىندارعا اقى تولەنەدى.
بۇل تۋرالى Facebook-تە «Astana Innovation» ا ق باسقارما ءتوراعاسى ولجاس سارتايەۆ جازدى، دەپ حابارلايدى قازاقپارات.
«اقىلدى اۋدان» جوباسى اياسىندا «جاستار» شاعىناۋدانىندا سۇرىپتالعان قوقىس قابىلدايتىن دۇڭگىرشەك اشىلدى. جوبانى Clean Time كومپانياسى جۇزەگە اسىرۋدا. مۇندا قاعاز، پلاستيك، شىنى قالدىقتاردى سۇرىپتاپ سالۋ قاجەت. سول ءۇشىن تۇرعىندارعا كىشىگىرىم اقى تولەنەدى. بۇل جوبانى حالىقتىڭ جىلى قابىلدايتىنىنا سەنىمدىمىن»، - دەپ جازدى ولجاس سارتايەۆ.